Viral News | పెళ్లి రోజు సందర్భంగా తమ జీవిత భాగస్వామికి అందమైన, ఎప్పటికీ గుర్తిండిపోయే బహుతులు ఇస్తుంటారు. ప్రత్యేకమైన రోజున బట్టలో, బంగారమో, ఫోన్లో ఇలా ఏదో ఒకటి తమ స్తోమతకు తగ్గ బహుమతిని ఎంతో ప్రేమతో ఇస్తుంటారు. అయితే తాజాగా ఓ రైతు ( US Farmer) మాత్రం 50వ వార్షికోత్సవం (50th Anniversary) సందర్భంగా తన భార్యకు ఎవరూ ఊహించని బహుమతిని అందించాడు. ఇంతకీ అతను ఏమి ఇచ్చాడో తెలిస్తే.. ఆ వ్యక్తికి తన భార్య పై ఎంత ప్రేమ ఉందో అర్థమైపోతుంది.
అమెరికాకు చెందిన రైతు లీ విల్సన్ (Lee Wilson), అతని భార్య రెనీ (Renee)ఆగస్టు 10వ తేదీన 50వ వివాహ వార్షికోత్సవాన్ని జరుపుకోబోతున్నారు. పెళ్లి రోజు సందర్భంగా లీ తన జీవిత భాగస్వామికి ఎప్పటికీ గుర్తుండిపోయే బహుమతి అందించాలనుకున్నాడు. రెనీకి పొద్దు తిరుగుడు పువ్వులంటే (Sunflowers) భలే ఇష్టం. దీంతో విల్సన్ తన కుమారుడి సాయంతో సుమారు 80 ఎకరాల్లో పొద్దు తిరుగుడు పువ్వులను పెంచాడు. మే నెలలో వాటిని పెంచడం మొదలు పెట్టాడు. తోట వేసిన విషయాన్ని భార్యకు తెలియకుండా రహస్యంగా ఉంచాడు. అవి పూర్తిగా వికసించాకా తన భార్యను తోటకు తీసుకెళ్లి సర్ ప్రైజ్ చేశాడు. మొత్తం 80 ఎకరాల్లో పంట వేయగా.. ఎకరాకు 15 వేల పువ్వులు వికసించాయి. అంటే మొత్తం 12 లక్షల పువ్వులను తన భార్యకు బహుతిగా అందించాడన్న మాట.
భర్త ఇచ్చిన గిఫ్ట్ తో రెనీ ఉబ్బితబ్బిబైపోయింది. ఇది తనకు చాలా ప్రత్యేకంగా అనిపించిందని తెలిపింది. ‘ఇది నాకు చాలా ప్రత్యేకమైన అనుభూతిని కలిగించింది. ఇంత కంటే గొప్ప వార్షికోత్సవ బహుమతి ఏముంటుంది’ అంటూ తన సంతోషాన్ని పంచుకుంది.
Also Read..
Cheetah | మరో చీతా మృతి.. ఐదు నెలల్లో తొమ్మిదో మరణం
Manipur Violence | మణిపూర్ అల్లర్లు.. మూడు నెలల్లో 30 మంది అదృశ్యం..!
Shehbaz Sharif | అన్ని సమస్యల పరిష్కారానికి భారత్ తో చర్చకు సిద్ధం : పాక్ ప్రధాని