పటాకుల దుకాణాలకు లైసెన్స్‌ తప్పనిసరి

దీపావళి పండుగ సందర్భంగా సైబరాబాద్‌ పోలీస్‌ కమిషనరేట్‌ పరిధిలో తాతాలికంగా పటాకుల విక్రయాలు చేపట్టాలనుకునే వ్యాపారులు తప్పనిసరిగా లైసెన్స్‌ పొందాలని సైబరాబాద్‌ పోలీస్‌ కమిషనర్‌ సూచించారు.

• 7లోగా ఆన్‌లైన్‌ లో దరఖాస్తు చేసుకోవాలి

సిటీబ్యూరో, అక్టోబర్‌ 27 (నమస్తే తెలంగాణ): దీపావళి పండుగ సందర్భంగా సైబరాబాద్‌ పోలీస్‌ కమిషనరేట్‌ పరిధిలో తాతాలికంగా పటాకుల విక్రయాలు చేపట్టాలనుకునే వ్యాపారులు తప్పనిసరిగా లైసెన్స్‌ పొందాలని సైబరాబాద్‌ పోలీస్‌ కమిషనర్‌ సూచించారు. పేలుడు పదార్థాల చట్టం- 1884, నిబంధనలు- 1983 (2008 సవరణ) ప్రకారం సంబంధిత జోన్ల డీసీపీ నుంచి లైసెన్స్‌ తీసుకోవాలని సూచించారు.

లైసెన్స్‌ లేకుండా పటాకుల విక్రయాలు చేపడితే చట్టప్రకారం జరిమానాలతో పాటు కేసులు నమోదు చేస్తామని హెచ్చరించారు. తాతాలిక లైసెన్స్‌ కోసం దరఖాస్తు చేసుకునే వ్యాపారులు ఆన్‌లైన్‌లో మాత్రమే దరఖాస్తు చేసుకోవాలని తెలిపారు. దరఖాస్తులను సైబరాబాద్‌ పోలీసుల అధికారిక వెబ్‌ సైట్‌ www.cyberabadpolice. gov.in,http://www.cyberabadpolice.gov.in లేదా cybpms.telangana.gov.in ద్వారా నవంబర్‌ 7లోగా సమర్పించాలని సూచించారు. గడువు ముగిసిన తర్వాత వచ్చే దరఖాస్తులను స్వీకరించమని స్పష్టం చేశారు.