Hyderabad | పెట్టుబడులకు కేరాఫ్‌ ఓఆర్‌ఆర్‌.. కోర్‌సిటీని మించి ఔటర్‌ చుట్టూ అభివృద్ధి

Hyderabad | ఔటర్‌ రింగు రోడ్డు (ఓఆర్‌ఆర్‌) అభివృద్ధికి కేరాఫ్‌గా మారింది. కోర్‌సిటీని మించి ఓఆర్‌ఆర్‌ చుట్టూ అభివృద్ధి జరుగుతున్నది. భారీ ప్రాజెక్టులు, ఆకాశహర్మ్యాలు, అంతర్జాతీయ కంపెనీలతో ఓఆర్‌ఆర్‌ చుట్టుపక్కల ప్రాంతాల రూపురేఖలే మారిపోయాయి.

Hyderabad | ఔటర్‌ రింగు రోడ్డు (ఓఆర్‌ఆర్‌) అభివృద్ధికి కేరాఫ్‌గా మారింది. కోర్‌సిటీని మించి ఓఆర్‌ఆర్‌ చుట్టూ అభివృద్ధి జరుగుతున్నది. భారీ ప్రాజెక్టులు, ఆకాశహర్మ్యాలు, అంతర్జాతీయ కంపెనీలతో ఓఆర్‌ఆర్‌ చుట్టుపక్కల ప్రాంతాల రూపురేఖలే మారిపోయాయి. 10-59 అంతస్థుల వరకు ఎత్తయిన ఆకాశహర్మ్యాలను నిర్మిస్తున్నాయి. ఇంటర్‌చేంజ్‌ల నుంచి కోర్‌ సిటీ, జిల్లా కేంద్రాలు, ఇతర రాష్ర్టాల నుంచి రాకపోకలు అత్యంత సులభంగా సాగించేలా ప్రభుత్వం రోడ్ల నిర్మాణం చేపడుతుండటంతో, ఆ ప్రాంతాలు వేగంగా అభివృద్ధి చెందుతున్నాయి.

గ్రేటర్‌ హైదరాబాద్‌ చుట్టూ ఉన్న ఔటర్‌ రింగు రోడ్డు కేంద్రంగా నగరాభివృద్ధి పరుగులు పెడుతున్నది. మణిహారంలా మారిన 158 కిలోమీటర్ల ఓఆర్‌ఆర్‌ చుట్టూ భూములు అందుబాటులో ఉండటంతో ప్రైవేటు కంపెనీలు భారీ ప్రాజెక్టులు చేపడుతున్నాయి. తొమ్మిదేండ్లలో ప్రభుత్వం ఓఆర్‌ఆర్‌ నుంచి కోర్‌ సిటీకి రోడ్లను అనుసంధానం చేసింది. పడమర దిక్కున ఉన్న ఐటీ కారిడార్‌తో పాటు నలుదిక్కులా కొత్త ప్రాజెక్టులు వచ్చేలా చర్యలు తీసుకున్నది. దీంతో నివాస, వ్యాపార సముదాయాలతో పాటు ఫార్మా, లైఫ్‌సైన్సెస్‌, డిఫెన్స్‌, ఏరోస్పేస్‌, వైద్య పరికరాలు, ఎలక్ట్రానిక్స్‌, ఎలక్ట్రిక్‌ వాహన రంగాలకు చెందిన పరిశ్రమలు ఔటర్‌ చుట్టూ భారీగా ఏర్పాటయ్యాయి. వేగంగా విస్తరిస్తున్న నగరం, అభివృద్ధి, భవిష్యత్తు అవసరాలను దృష్టిలో పెట్టుకొని ఓఆర్‌ఆర్‌ చుట్టూ మరో మూడుచోట్ల (నార్సింగి, కోకాపేట, మల్లంపేట) ఇంటర్‌చేంజ్‌లను నిర్మించింది. ప్రభుత్వ చర్యలతో మహేశ్వరం, తుక్కుగూడ, కొంగరకలాన్‌ ప్రాంతాల్లో ఫ్యాబ్‌ సిటీ, ఈ-సిటీ వంటివి రాగా, ముచ్చర్ల సమీపంలో దేశంలోనే అతి పెద్దదైన ఫార్మాసిటీ నిర్మాణం జరుగుతున్నది.

…? శేఖర్‌