Visit:
హైదరాబాద్‌, నవంబర్‌ 30 (నమస్తేతెలంగాణ) ః అనాథ అమ్మాయిలను అక్కున చేర్చుకోవడంతో పాటు వారందరికీ విద్యాబుద్ధులు నేర్పించి..వివాహా వయస్సు వచ్చిన తర్వాత వారికి విహహాలు జరిపించింది లాలన వెల్ఫేర్‌ ఆర్గనైజేషన్‌ ప్రతినిధులు. తెలంగాణ సివిల్‌ సర్వేంట్స్‌ సహకారంతో ఆదివారం లాలన వెల్ఫేర్‌ ఆర్గనైజేషన్‌ ప్రతినిధులు ఐదుగురు అనాథ అమ్మాయిలకు సామూహిక వివాహాలు జరిపించారు. హైదరాబాద్‌ నాగోల్‌లోని ఆనంతుల ధర్మారెడ్డి ఫంక్షన్‌హల్లో సామూహిక వివాహాలను జరిపించారు.
అనాథలను ఆదరించడంతో పాటు వారికి వివాహాలను జరిపించిన లాలన సంస్థ వ్యవస్థాపకురాలు మాధవి, నిర్వహకులు శ్రీనివాసులును ఇండియన్‌ తెలుగు సివిల్‌ సర్వెంట్స్‌ అసోసియేషన్‌ (ఐటీసీఎస్‌ఏ) ప్రతినిధులు అభినందించి రూ.5.5 లక్షల ఆర్థిక సహాయాన్ని అందించారు. కార్యక్రమంలో ఇండియన్‌ తెలుగు సివిల్‌ సర్వేంట్స్‌ అసోసియేషన్‌ సభ్యులు,ఇన్‌కంటాక్స్‌ కమిషనర్‌ హరిత, జీఎస్టీ కమిషనర్‌ సాధు నరసింహారెడ్డి, జీఎస్టీ జాయింట్‌ కమిషనర్‌ శ్రీచరణ్‌, జీఎస్టీ అసిస్టెంట్‌ కమిషనర్‌ వి.శ్రీనివాస్‌ తదితరులు పాల్గొన్నారు.
