పేకాడుతూ పట్టుబడ్డ.. కాంగ్రెస్‌ నాయకుడు గొట్టిముక్కల వెంగళరావు

కూకట్‌పల్లికి చెందిన కాంగ్రెస్‌ పార్టీ సీనియర్‌ నాయకుడు గొట్టిముక్కల వెంగళరావుతోపాటు మరో ఐదుగురు పేకాట ఆడుతూ పోలీసులకు పట్టుబడ్డారు.

శేరిలింగంపల్లి, జనవరి 29: కూకట్‌పల్లికి చెందిన కాంగ్రెస్‌ పార్టీ సీనియర్‌ నాయకుడు గొట్టిముక్కల వెంగళరావుతోపాటు మరో ఐదుగురు పేకాట ఆడుతూ పోలీసులకు పట్టుబడ్డారు. ఈ ఘటన సోషల్‌ మీడియాలో చక్కర్లు కొడుతూ ఆలస్యంగా వెలుగులోకి వచ్చింది. కూకట్‌పల్లికి చెందిన కాంగ్రెస్‌ పార్టీ నాయకుడు గొట్టిముక్కల వెంగళరావు ఈనెల 16న ఆర్ధరాత్రి ఒంటి గంట సమయంలో గచ్చిబౌలిలోని రాఘవేంద్ర కాలనీలో ఉన్న ఓ గెస్ట్‌హౌజ్‌లో తన స్నేహితులు ఐదుగురు స్థిరాస్తి వ్యాపారులతో కలిసి పేకాట ఆడుతున్నట్లు వచ్చిన విశ్వసనీయ సమాచారం మేరకు ఎస్‌ఓటీ పోలీసులు దాడులు చేశారు. అక్కడ స్పేహితులతో కలిసి పేకాట ఆడుతున్న కాంగ్రెస్‌ నాయకుడు గొట్టిముక్కల వెంగళరావుతో పాటు మరో ఐదుగురిని పోలీసులు అదుపులోకి తీసుకున్నారు. ఘటనా స్థలంలో సెల్‌ఫోన్లతో పాటు నగదు రూ.1,27,000 లభించింది. కాంగ్రెస్‌ పార్టీ నాయకుడు వెంగళరావుతోపాటు మరో ఐదుగురిపై కూడా గేమింగ్‌ యాక్టు కింద కేసు నమోదు చేసినట్లు గచ్చిబౌలి ఇన్‌స్పెక్టర్‌ గోన సురేశ్‌ పేర్కొన్నారు.