హెచ్‌సీఏ సభ్యుల బ్లాక్‌ టికెట్ల దందా

హైదరాబాద్‌ క్రికెట్‌ సంఘం (హెచ్‌సీఏ) సభ్యులు మరోసారి బ్లాక్‌ టికెట్ల దందాకు తెరలేపారు. భారత్‌-వెస్టిండీస్‌ టీ20 కోసం వర్ధమాన క్రికెటర్ల కోసం ఉచితంగా కేటాయించిన టికెట్లను బ్లాక్‌ మార్కెట్‌కు తరలించి ఓ సభ్యుడు పోలీసులకు చిక్కాడు. హెచ్‌సీఏ సభ్యుడు యంగ్‌ సిటిజన్స్‌ క్లబ్‌కు చెందిన సతీశ్‌ చంద్ర శ్రీవాత్సవ తన కుమారుడు ఆకర్షిత్‌ శ్రీవాస్తవతో టికెట్ల విక్రయానికి పాల్పడి అరెస్టయ్యాడు.

• సతీశ్‌ శ్రీవాత్సవ సహా నలుగురు అరెస్ట్‌

సిటీబ్యూరో, అక్టోబర్‌ 13 (నమస్తే తెలంగాణ): హైదరాబాద్‌ క్రికెట్‌ సంఘం (హెచ్‌సీఏ) సభ్యులు మరోసారి బ్లాక్‌ టికెట్ల దందాకు తెరలేపారు. భారత్‌-వెస్టిండీస్‌ టీ20 కోసం వర్ధమాన క్రికెటర్ల కోసం ఉచితంగా కేటాయించిన టికెట్లను బ్లాక్‌ మార్కెట్‌కు తరలించి ఓ సభ్యుడు పోలీసులకు చిక్కాడు. హెచ్‌సీఏ సభ్యుడు యంగ్‌ సిటిజన్స్‌ క్లబ్‌కు చెందిన సతీశ్‌ చంద్ర శ్రీవాత్సవ తన కుమారుడు ఆకర్షిత్‌ శ్రీవాస్తవతో టికెట్ల విక్రయానికి పాల్పడి అరెస్టయ్యాడు.

సోషల్‌ మీడియా ప్లాట్‌ఫామ్‌ ద్వారా బ్లాక్‌ టికెట్లను విక్రయిస్తున్నట్టు పక్కా సమాచారంతో గోషామహల్‌ పోలీసులు బేగంబజార్‌లో అవినాశ్‌ దారక్‌, మోహిత్‌ సోమాని అనే ఇద్దరిని అదుపులోకి తీసుకొని వారి వద్ద 11 కాంప్లిమెంటరీ టికెట్లను స్వాధీనం చేసుకున్నారు. విచారణలో హెచ్‌సీఏ సభ్యుడైన సతీశ్‌ చంద్ర నుంచి అతడి కుమారుడు ఆకర్షిత్‌ ఈ ఉచిత టికెట్లను పొందగా, ఆ వ్యక్తి ద్వారా తాము వాటిని సంపాదించినట్లు నిందితులు పోలీసులకు వెల్లడించారు. దీంతో పోలీసులు దారక్‌, సోమానితో ఆకర్షిత్‌, సతీశ్‌చంద్రను అరెస్టు చేసి కోర్టు అనుమతితో జ్యుడీషియల్‌ కస్టడీకి రిమాండ్‌ చేసినట్లు పోలీసులు తెలిపారు.