Health Tips | ఇలా చేస్తే మీ గుండె పదిలంగా ఉంటుంది.. మీరూ ట్రై చేస్తారా ?

Health Tips | గుండెకు బలాన్నిచ్చే ఆహారానికి మీ పళ్లెంలో చోటివ్వండి. యోగర్ట్‌, జీలకర్ర, మష్రూమ్స్‌, డార్క్‌ చాక్లెట్‌, విటమిన్‌-సి ఉన్న పదార్థాలు తరచూ తీసుకోండి.

Health Tips | గుండె బావుంటేనే మనిషి బావున్నట్టు. గుండె స్పందనలు మారితే ఆరోగ్యానికి అవాంతరాలే. ఆహారం, జీవనశైలి, పాజిటివ్‌ దృక్పథం గుండె రక్షణ కవచాలు. వరల్డ్‌ హార్ట్‌ డే నాడు ఆ పిడికెడు నేస్తానికి కొండంత భరోసా ఇద్దాం..

• గుండెకు బలాన్నిచ్చే ఆహారానికి మీ పళ్లెంలో చోటివ్వండి. యోగర్ట్‌, జీలకర్ర, మష్రూమ్స్‌, డార్క్‌ చాక్లెట్‌, విటమిన్‌-సి ఉన్న పదార్థాలు తరచూ తీసుకోండి.
• నిపుణుల సలహాతో బ్రిస్క్‌ వాకింగ్‌, స్విమ్మింగ్‌, సైక్లింగ్‌, టెన్నిస్‌.. తదితర వ్యాపకాలకు సమయం కేటాయించండి.
• ఏదో ఓ సామాజిక బాధ్యత తీసుకునేవారి గుండె, మిగిలినవారితో పోలిస్తే ఆరోగ్యంగా ఉంటుందని అధ్యయనాలు వెల్లడిస్తున్నాయి. ఒంటరితనం, నిరాశావాదం, నెగెటివ్‌ ధోరణి గుండెకు శత్రువులు.
• విటమిన్‌-డి కొరతకు, గుండె సమస్యలకు సంబంధం ఉన్నట్టు పరిశోధనల్లో తేలింది. కాబట్టి, తరచూ సూర్యకిరణాల్ని ఆస్వాదించండి.
• ప్రశాంతమైన నిద్ర గుండెకు సత్తువనిస్తుంది. రోజూ కనీసం ఏడుగంటల నిద్ర తప్పనిసరి. నిద్రలేమిని తేలిగ్గా తీసుకోకండి.
• పొటాషియమ్‌, మెగ్నీషియం.. గుండెకు రక్షణ కవచాలు. ఈ రెండూ లభించే ఆహార పదార్థాల్ని విస్మరించకండి.
• నాలుగుపదులు దాటగానే.. ఏడాదికి ఒకసారైనా సంపూర్ణ వైద్య పరీక్షలు చేయించుకోవాలి.
• జన్యుశాస్త్రం చాలా అభివృద్ధి చెందింది. వారసత్వంగా వచ్చే అనారోగ్యాల గురించి కచ్చితమైన హెచ్చరికలూ చేస్తున్నది. కాబట్టి, కుటుంబ ఆరోగ్య చరిత్ర తెలుసుకోడానికి ఓ సారి జన్యు పరీక్షలు చేయించుకోండి. కొందరిలో గుండెపోటు కూడా పారంపర్యమే.
• ఇప్పటికే ఊబకాయం, అధిక రక్తపోటు, మధుమేహం తదితర దీర్ఘకాలిక రుగ్మతలు ఉన్నట్టయితే.. గుండెను మరింత జాగ్రత్తగా కాపాడు
  కోవాల్సిన అవసరం ఉందని అర్థం.
• కాళ్లు, పాదాలు, మడమలు వాపునకు గురవుతుంటే గుండె జబ్బుకు సంకేతంగా అర్థం చేసుకోవాలి. తీవ్ర నిస్సత్తువనూ విస్మరించలేం.