Breakfast | రోజూ ఉదయం కచ్చితంగా బ్రేక్ఫాస్ట్ చేయాలా?
Breakfast | మూడుపూటలా తింటున్నా సరే, ఆ రోజు తొలిసారిగా తీసుకునే అల్పాహారమే ఆరోగ్యం మీద ఎంతో ప్రభావం చూపుతుంది. సమయానికి తగినంత బ్రేక్ఫాస్ట్ పొట్టలో పడకపోతే జీవక్రియ దెబ్బతింటుంది.
సరిపడా తీసుకోండి
కొంతమంది ఓ గ్లాసు పాలతోనో, ఓ చిన్న పండుతోనో అల్పాహారం ముగించామనుకుంటారు. ఇలా చేయడం వల్ల కాసేపటికే మళ్లీ ఆకలి వేస్తుంది. కనిపించినవన్నీ తినేస్తాం. దీంతో బరువు పెరిగే ఆస్కారం ఉంది. గంటలకొద్దీ ఆకలితో ఉంటే పనుల మీద ఏకాగ్రతా సన్నగిల్లుతుంది.
గబగబా వద్దు
ఆహారం తింటున్నప్పుడు ప్రశాంత వాతావరణం ఉండాలి. హడావుడిగా పెద్దపెద్ద ముద్దలు మింగితే.. మోతాదుకు మించి తినేస్తామని అధ్యయనాలు చెబుతున్నాయి. అదే నెమ్మదిగా నమిలి తినడం వల్ల జీర్ణ వ్యవస్థ మెరుగుపడటంతో పాటు, మనం తీసుకున్న ఆహారంలోని పోషకాలన్నీ శరీరానికి అందుతాయి.
ప్రొటీన్లు ఉండేలా
కేవలం పొట్ట నింపుకోవడానికే అన్నట్టు కాకుండా ప్రొటీన్లు, మంచి కొవ్వులు కలగలిపిన అల్పాహారాన్ని తీసుకోవాలి. ప్రొటీన్లతో కూడిన ఆహారం చాలాసేపు ఆకలిని దూరం చేస్తుంది. ఒంటికి బలాన్నీ ఇస్తుంది. సోయా, పప్పు గింజలు, పాలు, పనీర్, గుడ్డు తదితర అధిక ప్రొటీన్లు ఉండే ఆహారాన్ని బ్రేక్ఫాస్ట్ కోసం ఎంచుకోవచ్చు.
కార్బొహైడ్రేట్లు కూడా..
కొంతమంది డైటింగ్లో భాగంగా కార్బొహైడ్రేట్లను దాదాపుగా తీసుకోవడం మానేస్తారు. పూర్తిగా ప్రొటీన్ల మీదే ఆధారపడితే రక్తంలో చక్కెర శాతం పడిపోతుంది. అందువల్ల ప్రొటీన్లు, కార్బొహైడ్రేట్లతో కూడిన అల్పాహారాన్ని తీసుకోవాలి. వారంలో కొన్ని రోజులయినా ఉప్మా, అటుకులు, ఓట్స్ లాంటివి తినాలి.
కొవ్వులూ మంచివే
ఉదయపు ఆహారంలో నెయ్యి, వెన్న, వేరుశనగలు, అవిసెలు లాంటివి చేర్చడం వల్ల శరీరానికి మంచి కొవ్వులు అందుతాయి. వీటిలోని ఒమేగా-3 ఫ్యాటీ యాసిడ్లూ, అసంతృప్త కొవ్వులూ గుండెకు మేలు చేస్తాయి.
ఎప్పుడూ మానొద్దు
ఉదయం హడావుడిగా బయటికి వెళ్లాల్సి వచ్చిందనో, రాత్రి ఆలస్యంగా తిన్నామనో, లేదంటే తినడం మానేస్తే క్యాలరీలు తగ్గించుకోవచ్చనో.. రకరకాల కారణాలతో చాలా మంది అల్పాహారం మానేస్తూ ఉంటారు. కానీ జీవక్రియ మీద ఇది దుష్ప్రభావాన్ని చూపుతుంది. రక్తంలో కొవ్వుశాతం పెరగడం, గుండె సమస్యలు, మధుమేహం తదితర ఇబ్బందులకు కారణం అవుతుంది.
Read More :
“ఈ ఫుడ్ తింటే అలర్జీలు అవుతున్నాయా? అయితే జాగ్రత్త !!”
సూప్ అంటే వేడిగానే ఉంటుందా.. సమ్మర్ స్పెషల్ చల్లచల్లని సూపులు వచ్చేశాయ్!!”
Buddha Diet | బౌద్ధులు తినే భోజనం ఆరోగ్యానికి ఎంత మేలు చేస్తుందో తెలుసా!!”
“Summer Food | సమ్మర్లో ఈ ఫుడ్ తింటే ఏమవుతుందో తెలుసా”
Read Today's Latest Health News in Telugu and Telugu News
- Tags
- breakfast
- Food
- Health
- Healthy food
RELATED ARTICLES
తాజా వార్తలు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

