Visit:
స్కూల్స్‌కి వెళ్లేటప్పుడు కూడా స్నాక్స్‌గా పండ్లు, కూరగాయల ముక్కలు, బీట్‌రూట్, క్యారెట్ ముక్కలు బాక్స్‌లో పెట్టి పంపించాలి. వీటిలో పీచు పదార్థం ఉండటం వల్ల శరీరానికి కావాల్సిన విటమిన్లు అందుతాయి. ఆహారం త్వరగా జీర్ణమవుతుంది. మలబద్దకపు సమస్యలు కూడా దరిచేరవు.
Parenting Tips | చాలామంది పిల్లలు లేవగానే ఆకలేస్తుందని అంటుంటారు. అయితే అంత పొద్దున వంట చేయడం కుదరక.. పేరెంట్స్‌ ఏ బిస్కెట్‌ ప్యాకెటో.. చిప్స్‌ ప్యాకెటో ఇచ్చి వాళ్ల కడుపు నింపుతారు. ఆ తర్వాత నెమ్మదిగా వంట చేసి పెడుతుంటారు. కానీ అలా ఆలస్యంగా అల్పాహారం తినిపించినా.. జంక్‌ఫుడ్‌ అలవాటు చేసినా ఆరోగ్యానికి నష్టమైనని వైద్య నిపుణులు సూచిస్తున్నారు. ఏ సమయంలో ఏ అల్పాహారం తినిపిస్తే మంచిదో సలహాలు కూడా ఇస్తున్నారు. అవేంటో ఇప్పుడు చూద్దాం..
పిల్లలకు ఉదయం 8 గంటల్లోపే అల్పాహారం అందించాలి. రాత్రి చాలాసేపు పడుకోవడం వల్ల పొద్దున లేచేసరికి కడుపులో ఏమీ ఉండదు. కాబట్టి ఉదయం త్వరగా అలసిపోతారు. అందుకే పొద్దున వీలైనంత త్వరగా అల్పాహారం పెడితే మంచిది.
ఉదయం పూట ఎట్టి పరిస్థితుల్లో జంక్ ఫుడ్ తినిపించకూడదు. ఇడ్లీ, దోశ, కిచిడీ వంటివి తినిపించాలి. మినుపప్పుతో చేసే ఇడ్లీ, దోశ వంటి అల్పాహారం పెట్టేటప్పుడు కొబ్బరి చట్నీ చేసి పెడితే మంచిది. అదనంగా పిల్లలకు ఇందులో శక్తి లభిస్తుంది.
తప్పనిసరిగా ఉదయం పిల్లలకు పండ్లు ఇవ్వాలి. పొద్దున పూట ఎక్కువగా నూనె వస్తువులు ఇవ్వకపోవడమే మంచిది. పూరీ, వడ వంటి ఆహారపదార్థాలు ఉదయం తినిపించవద్దు. నూనె అజీర్తిని పెంచుతుంది.
వారంలో కనీసం నాలుగు రోజులు ఆకుకూరలతో భోజనం అందిస్తే పిల్లలు ఆరోగ్యంగా ఉండేందుకు అవకాశం ఉంటుంది. పప్పు దినుసులు, సీజనల్ పండ్లు ఇవ్వడం వల్ల పిల్లల్లో శారీరక ఎదుగుదల ఉంటుంది.