Health Tips | జీర్ణ‌క్రియ సాఫీగా సాగాలంటే యాపిల్‌ను ఎలా తీసుకోవాలంటే..!

Health Tips : రోజుకో యాపిల్ తింటే వైద్యుడి అవ‌స‌రం ఉండ‌ద‌ని చెబుతుంటారు. రోజూ యాపిల్ తీసుకుంటే ప‌లు ర‌కాల అనారోగ్య స‌మ‌స్య‌ల‌కు దూరం కావ‌చ్చ‌ని అధ్య‌య‌నాలూ వెల్ల‌డించాయి.

Health Tips : రోజుకో యాపిల్ తింటే వైద్యుడి అవ‌స‌రం ఉండ‌ద‌ని చెబుతుంటారు. రోజూ యాపిల్ తీసుకుంటే ప‌లు ర‌కాల అనారోగ్య స‌మ‌స్య‌ల‌కు దూరం కావ‌చ్చ‌ని అధ్య‌య‌నాలూ వెల్ల‌డించాయి. సిమ్లా యాపిల్స్ నుంచి క‌శ్మీర్ ఆర్చ‌ర్డ్స్ వ‌రకూ ఇప్పుడు ఎన్నో ర‌కాల యాపిల్స్ అందుబాటులో ఉన్నాయి. యాపిల్స్‌లో ఫైబ‌ర్‌, విట‌మిన్ సీతో పాటు యాంటీఆక్సిడెంట్స్ పుష్క‌లంగా ఉండ‌టంతో ఇవి ఆరోగ్యానికి మేలు చేస్తాయి.

యాపిల్ తీసుకోవ‌డం ద్వారా శారీర‌క ఆరోగ్యం మెరుగుప‌డ‌ట‌మే కాకుండా జీర్ణ‌క్రియ సాఫీగా సాగేందుకు ఇవి ఉప‌క‌రిస్తాయి. అయితే జీర్ణ సంబంధ స‌మ‌స్య‌ల‌తో బాధ‌ప‌డేవారు వారి స‌మ‌స్య‌ల ఆధారంగా యాపిల్‌ను వేర్వేరు ప‌ద్ధ‌తుల్లో తీసుకుంటే మేలుచేస్తుంద‌ని న్యూట్రిష‌నిస్ట్ దీప్సికా జైన్ చెబుతున్నారు.

మ‌ల‌బద్ధ‌కంతో బాద‌ప‌డేవారు యాపిల్‌ను తొక్క‌తో స‌హా తీసుకోవాలి. యాపిల్‌పై ఉండే తొక్క‌లో ఫైబ‌ర్ అధికంగా ఉండ‌టంతో ప్రేవుల క‌ద‌లిక‌ల‌ను మెరుగుప‌రిచి మ‌లం మెత్త‌గా త‌యార‌య్యేలా చేస్తుంది. ఇక విరేచ‌నాల‌తో బాధ‌ప‌డేవారు యాపిల్ తోలు లేకుండా లోప‌లి ప‌ల్ప్ తీసుకోవాలి. ఇలా తీసుకుంటే డ‌యేరియా త‌గ్గుముఖం ప‌డుతుంది. ప్రేవుల ఆరోగ్యం మెరుగుప‌డాల‌ని కోరుకునే వారు యాపిల్‌ను మ‌రిగించి తీసుకోవాల‌ని డైటీషియ‌న్ జైన్ చెబుతున్నారు. వండిన యాపిల్స్ పెక్టిన్ అనే ప్రీబ‌యాటిక్‌ను రిలీజ్ చేయ‌డంతో ప్రేవుల్లో మంచి బ్యాక్టీరియాను ప్రేరేపించి జీర్ణ‌క్రియ స‌జావుగా సాగేలా చేస్తుంది.

Read More :

Bull attack | గంగిరెద్దు షాకింగ్‌ ఎటాక్‌.. ఎగిరి లారీకింద పడిన బైకర్‌.. Video