Cervical Cancer | తొలిదశలో గర్భాశయ క్యాన్సర్‌ను గుర్తించడం ఎలా ?

Cervical Cancer | పూనమ్‌ పాండే పబ్లిసిటీ స్టంట్‌ కావచ్చు. కేంద్ర బడ్జెట్‌లో టీకాల ప్రస్తావన కావచ్చు. ఒక్కసారిగా సర్వికల్‌ క్యాన్సర్‌ గురించి చర్చ పెరిగింది. ఈ నేపథ్యంలో సర్వికల్‌ క్యాన్సర్‌ ఎందుకింత ప్రాణాంతకం అవుతున్నది అనే అధ్యయనమూ మొదలైంది.

Cervical Cancer | పూనమ్‌ పాండే పబ్లిసిటీ స్టంట్‌ కావచ్చు. కేంద్ర బడ్జెట్‌లో టీకాల ప్రస్తావన కావచ్చు. ఒక్కసారిగా సర్వికల్‌ క్యాన్సర్‌ గురించి చర్చ పెరిగింది. ఈ నేపథ్యంలో సర్వికల్‌ క్యాన్సర్‌ ఎందుకింత ప్రాణాంతకం అవుతున్నది అనే అధ్యయనమూ మొదలైంది. తొలిరోజుల్లో పసిగట్టకపోవడమే ఈ మహమ్మారి విజృంభణకు అసలు కారణమని గుర్తించారు నిపుణులు. లక్షణాలను కనిపెట్టి, సరైన వైద్యుడిని సంప్రదిస్తే తొలిదశలోనే సమర్థమైన చికిత్స సాధ్యమంటున్నారు.

• రుతుస్రావ సమయంలో రక్తం ఎక్కువగా పోవడం, రోజుల తరబడి రక్తస్రావం కొనసాగడం.
• పీరియడ్స్‌ మధ్యలో, బహిష్టు తర్వాత కూడా రక్తస్రావం.
• రక్తం రంగు మారుతూ దుర్వాసనతో కూడిన స్రావాలు వెలువడటం.
• గర్భాశయం దగ్గర నొప్పి, దురద.
• మూత్రానికి వెళ్లినప్పుడు, రతి సమయంలో అసౌకర్యం.

ఈ లక్షణాలు ఇతర రుగ్మతల్లోనూ కనిపించవచ్చు. అదే సమయంలో గర్భాశయ క్యాన్సర్‌కు సూచనగానూ భావించాలి. తొమ్మిది నుంచి పద్నాలుగేండ్ల వయసులో వ్యాక్సిన్‌ వేయించుకోవడం, పాతికేండ్ల వయసు వచ్చిన తర్వాత ప్రతి మూడు నుంచి ఐదేండ్లకు ఒకసారి స్క్రీనింగ్‌ చేయించుకోవడం ఉత్తమం అని సలహా ఇస్తున్నారు.