‘క్యాల్షియం’ అంటే చిన్న చూపా?

క్యాల్షియం శరీర వ్యవస్థలో ఒక భాగం. పరిపూర్ణ ఆరోగ్యానికి తగినంత క్యాల్షియం అవసరం. బలమైన ఎముకలు, వజ్రాలను తలదన్నే దంతాలు కావాలంటే.. ఒంట్లో తగినంత క్యాల్షియం నిలువలు ఉండాల్సిందే. పాలు, పెరుగు, చీజ్‌ తదితరాల్లో ఇది పుష్కలంగా లభిస్తుంది. ధాన్యాలు కూడా క్యాల్షియం చిరునామాలే. ప్రతి వ్యక్తికి సగటున 1000 మి.గ్రా. క్యాల్షియం అవసరం. రజస్వల సమయానికి ప్రతి బాలిక 1300 మి.గ్రా క్యాల్షియం తీసుకోవాలి. కౌమార బాలబాలికలు, గర్భిణులు, ఎదిగే పిల్లలు, మెనోపాజ్‌ దశలోని మహిళలకు మరింత క్యాల్షియం అవసరం. గ్లాసు పాలలో మహా అయితే, ఆ రోజుకు మనకు అవసరమైన క్యాల్షియంలో పదిశాతమే లభిస్తుంది. మిగతా తొంభై శాతం కోసం క్యాల్షియం సప్లిమెంట్స్‌ తీసుకోవడంలోనూ తప్పు లేదు.