Bladder cancer | మగవాళ్ల శత్రువు.. మూత్రాశయ క్యాన్సర్
Bladder cancer | మూత్రాశయ (బ్లాడర్) క్యాన్సర్ గురించి ప్రజల్లో అవగాహన తక్కువ. దీన్నే ‘యూరోథీలియల్ కార్సినోమా’ అనీ అంటారు. మూత్రాశయ కణాలు పరిమితికి మించి పెరగడం వల్ల వ్యాధి విస్తరిస్తుంది.పురుషులకే ఈ రుగ్మత ముప్పు ఎక్కువని చెబుతారు నిపుణులు.
Bladder cancer | మూత్రాశయ (బ్లాడర్) క్యాన్సర్ గురించి ప్రజల్లో అవగాహన తక్కువ. దీన్నే ‘యూరోథీలియల్ కార్సినోమా’ అనీ అంటారు. మూత్రాశయ కణాలు పరిమితికి మించి పెరగడం వల్ల వ్యాధి విస్తరిస్తుంది.పురుషులకే ఈ రుగ్మత ముప్పు ఎక్కువని చెబుతారు నిపుణులు.
భారతదేశంలో ప్రబలంగా ఉన్న పదిహేడు రకాల క్యాన్సర్లలో ఇదీ ఒకటి. ఏటా 21,000 మందిలో మూత్రాశయ క్యాన్సర్ నిర్ధారణ జరుగుతున్నది. ఈ వ్యాధిగ్రస్తుల్లో దాదాపు 50 శాతం మృత్యువాత పడుతున్నారని అంచనా. స్త్రీలతో పోలిస్తే పురుషుల్లో వ్యాధి తీవ్రత మూడు నుంచి నాలుగు రెట్లు అధికం.
లక్షణాలు
- రక్తం కలిసిన, లేదంటే గులాబీ రంగులో మూత్ర విసర్జన. దీన్నే ‘హిమటూరియా’ అంటారు.
- పొట్టలో నొప్పి. ఆ ప్రదేశంలో వ్యాధి విస్తరించింది అనడానికి ఇదొక సంకేతం.
- మూత్ర విసర్జన కష్టంగా, నొప్పితో కూడుకుని ఉండటం. మూత్రంలో మంట. ఈ సమస్యను ‘డిజూరియా’ అంటారు.
- తరచుగా మూత్రం వస్తుంది.
- మూత్రం ఆపుకోలేక పోవడం.
- చర్మం పాలిపోవడం.
- హఠాత్తుగా బరువు తగ్గడం.
- తీవ్ర అలసటగా ఉండటం…ఇందులో కొన్ని కానీ, అన్ని లక్షణాలూ కానీ రోగిలో కనిపించవచ్చు.
చికిత్స
మూత్రాశయంలోని క్యాన్సర్ కణాలను నిర్మూలించడానికి నాలుగు రకాల చికిత్సలు అందుబాటులో ఉన్నాయి.
1. సర్జరీ: మూత్రాశయంలో క్యాన్సర్ కణుతులను తొలగించడం. అవసరమైతే మూత్రాశయాన్ని, దానికి చేరువలో ఉన్న లింఫ్ నోడ్స్ను తొలగించాల్సి రావచ్చు.
2. కీమోథెరపీ: మూత్రాశయంలో క్యాన్సర్ కణుతుల పెరుగుదలను అడ్డుకునేందుకు కీమో థెరపీ చేస్తారు. ఆ ఔషధాలు రక్తం ద్వారా వెళ్లి కణుతుల పెరుగుదలను అడ్డుకుంటాయి.
3. రేడియేషన్: ఈ చికిత్సలో క్యాన్సర్ కణుతులను ధ్వంసం చేయడానికి ఎక్స్-రే లాంటి అతి శక్తివంతమైన కిరణాలను ఉపయోగిస్తారు.
4. ఇమ్యునోథెరపీ: ఇందులో భాగంగా శరీరంలో రోగ నిరోధక శక్తిని పెంచే ప్రయత్నం జరుగుతుంది. అలా క్యాన్సర్తో పోరాటం కొనసాగుతుంది. మూత్రాశయానికి మాత్రమే పరిమితమైన యూరి
థీలియల్ క్యాన్సర్కైనా, అక్కడినుంచి ఇతర ప్రాంతాలకు పాకే మెటస్టాటిక్ యూరోథీలియల్ క్యాన్సర్కైనా ఇమ్యునోథెరపీని అత్యుత్తమ చికిత్సగా భావిస్తున్నది వైద్యరంగం.
రిస్క్ కారకాలు
లింగం, వయసు, తెగ, జన్యుపరమైన అంశాల మీద కూడా మూత్రాశయ క్యాన్సర్ ప్రమాదం
ఆధారపడి ఉంటుంది. అయితే, ధూమపానం మొట్టమొదటి ముప్పు అనే సంగతి మరచిపోవద్దు.
Read Today's Latest Health News in Telugu and Telugu News
- Tags
- Bladder cancer
- Causes
- symptoms
RELATED ARTICLES
తాజా వార్తలు
Running | రన్నింగ్తో కాళ్ల కండరాలు పెరుగుతాయా? కొవ్వు మాత్రమే తగ్గుతుందా?
Road Accident | పెళ్లి బృందం కారుకు ప్రమాదం.. నలుగురు దుర్మరణం
కేసీఆర్ మళ్లీ సీఎం కావాలని యాదాద్రికి పాదయాత్ర.. సింగాయిపల్లి నుంచి తరలివెళ్లిన బీఆర్ఎస్ శ్రేణులు
IND vs NZ | సెంచరీకి 2 పరుగుల దూరంలో గిల్ ఔట్.. భారత్కు 118 పరుగుల ఆధిక్యం!
Samantha | 12 ఏళ్ల క్రితమే సమంతకు కొడుకు పుడతాడని జోస్యం.. ఇప్పుడు నిజం కావడంతో వైరల్!
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

