Asparagus: ఈ గింజలు పోషకాలకు నిలయం.. మీరూ తింటున్నారా..?

తోటకూర గింజలను ప్రపంచంలో అనేక ప్రాంతాల్లో ప్రధాన ఆహారంగా తీసుకుంటూ ఉంటారు. ఈ గింజల్లో అనేక రకాల పోషకాలుంటాయి. అందుకే ఈ గింజలను గ్రెయిన్ ఆఫ్ గాడ్ అని పిలుస్తుంటారు.

Asparagus: తోటకూర గింజలను ప్రపంచంలో అనేక ప్రాంతాల్లో ప్రధాన ఆహారంగా తీసుకుంటూ ఉంటారు. ఈ గింజల్లో అనేక రకాల పోషకాలుంటాయి. అందుకే ఈ గింజలను గ్రెయిన్ ఆఫ్ గాడ్ అని పిలుస్తుంటారు. ఈ గింజల్లో ఉండే పోషకాల గురించి తెలుసుకుందాం.

• ఈ గింజల్లో మైక్రో న్యూట్రియంట్లు అధికంగా ఉంటాయి. కాల్షియం, ఫాస్పరస్, మెగ్నీషియం, ఐరన్, మాంగనీస్, జింక్, కాపర్ లాంటి ఖనిజ లణాలు ఈ విత్తనాల్లో పుష్కలంగా ఉంటాయి.
• ఈ విత్తనాల్లో ఉండే ఫైబర్ పేగుల మీద ప్రీబయోటిక్ ప్రభావాన్ని చూపిస్తాయి. ఫలితంగా పేగుల ఆరోగ్యానికి ఉపయోగపడే షార్ట్ చెయిన్ ఫ్యాటీ యాసిడ్ల సింథసిస్ పెరుగుతుంది.
• తోటకూర విత్తనాల్లో ప్రతి 100 గ్రాముల గింజల్లో 13.27 గ్రాముల ప్రోటీన్‌ ఉంటుంది. మాంసకృత్తుల మీద ఆధారపడిన వారికి అమరాంథ్ చక్కటి ప్రోటీన్ ప్రత్యామ్నాయం కాబట్టి ఈ విత్తనాలను తీసుకోవచ్చు.
• ఈ గింజలు తిన్న తర్వాత జీర్ణమయ్యే క్రమంలో పెప్టైడ్స్‌తో శరీరం యాంటీ ఇన్‌ఫ్లమేటరీ ప్రభావానికి లోనవుతుంది. అంతేకాకుండా ఈ విత్తనాల్లో ఉండే బయో యాక్టివ్ పెప్టైడ్ అయినటువంటి లునాసిన్ కేన్సర్ నుంచి రక్షణ కల్పిస్తుంది.
• తోటకూర విత్తనాల్లోని ఫైటోస్టెరాల్స్ మూలంగా కొలెస్ట్రాల్‌ను తగ్గించే గుణాలను కలిగి ఉంటుంది. కార్డియో వ్యాస్క్యులర్ వ్యాధులున్న వారు వీటిని తప్పక తినాలని ఆరోగ్య నిపుణులు చెబుతున్నారు.