నేటి నుంచి నాలుగోవిడత జేఈఈ మెయిన్‌

జేఈఈ మెయిన్‌ | జేఈఈ మెయిన్‌ చివరి, నాలుగో విడత పరీక్షలు నేటి నుంచి జరగనున్నాయి. బీఈ, బీటెక్, బీఆర్క్ తదితర కోర్సుల్లో ప్రవేశాలకు నిర్వహించే ప్రవేశ పరీక్ష ఈనెల 26, 27, 31, సెప్టెంబర్‌ 1, 2 తేదీల్లో జరుగనుంది.

హైదాబాద్‌: జేఈఈ మెయిన్‌ చివరి, నాలుగో విడత పరీక్షలు నేటి నుంచి జరగనున్నాయి. బీఈ, బీటెక్, బీఆర్క్ తదితర కోర్సుల్లో ప్రవేశాలకు నిర్వహించే ప్రవేశ పరీక్ష ఈనెల 26, 27, 31, సెప్టెంబర్‌ 1, 2 తేదీల్లో జరుగనుంది. మొదటి రోజు బీఆర్క్‌, బీ ప్లానింగ్‌ కోర్సుల్లో ప్రవేశానికి పేపర్‌-2 పరీక్షలు జరుగుతాయి. ఆ తర్వాత నుంచి బీటెక్‌ కోసం పేపర్‌-1 నిర్వహిస్తారు. దేశవ్యాప్తంగా దాదాపు 7.40 లక్షల మంది దరఖాస్తు చేసుకున్నారు. ఈ పరీక్ష పూర్తయిన తర్వాత దేనిలో అధిక స్కోర్‌ వస్తే దాన్ని పరిగణనలోకి తీసుకుని జాతీయ పరీక్షల మండలి ర్యాంకులు కేటాయిస్తారు.

జేఈఈ అడ్వాన్స్‌డ్ 2021 పరీక్షా ఫలితాలు విడుదల చేసిన తరువాత కటాఫ్ మార్కులు ప్రకటించనున్నారు. మాతృభాషలో పరీక్ష రాసే అవకాశం కల్పించడంతో పాటు నెగటివ్ మార్కులను సైతం తొలగించారు. 11 భాషల్లో పరీక్ష నిర్వహిస్తున్నారు.