తెలివి తప్పి మసలితే.. తెర్లవుతవు!

అభివృద్ధికి పట్టం, ‘బీఆర్‌ఎస్‌' చుట్టం! ప్రగతి పరి శ్రమలకు ప్రయోజనపు గొట్టం! అడ్డగించు ప్రతిపక్షం అవును నేలమట్టం!

అభివృద్ధికి పట్టం,
‘బీఆర్‌ఎస్‌’ చుట్టం!
ప్రగతి పరి శ్రమలకు
ప్రయోజనపు గొట్టం!
అడ్డగించు ప్రతిపక్షం
అవును నేలమట్టం!

ఎటు చూసిన ‘ఫ్లయి ఓవర్‌’
ఎదురయ్యే కట్టడాలు
‘ట్రాఫిక్‌ సమస్యలకు’
ఆయె అడ్డు కట్టడాలు!

దళితబంధు, రైతుబంధు
మిళితమైన స్నేహబంధు,
కాళేశ్వర ప్రాజెక్టుల
కలల సాగు మనముందు!
ఇంతవరకు ఏ పార్టీ
అంత ఘనత చూపిందా?
కళ్లు తెరచి ఒళ్లు విరిచి
ఆలోచించుము ముందు!

నోటుకాశ పడ్డావో
ఓటరన్న ఒక్కసారి
నీ కన్నును నీవే
పొడుచుకొందువన్నా!
తెలివి తప్పి మసలావో
తెర్లవుతవు అన్నన్నో!…

-డాక్టర్‌ వడ్డేపల్లి కృష్ణ
92465 41699