సాగరం.. నమస్కారం

ఆకాశాత్పతితం తోయం
యథాగచ్ఛతి సాగరం
సర్వదేవ నమస్కారః
కేశవం ప్రతి గచ్ఛతి
ఆకాశం నుంచి వర్షం రూపంలో కురిసిన వాననీరు నేల మీద పడి వాగులు, వంకలు, నదులు.. మొదలగు పేర్లతో పిలువబడుతుంది. ఆ నీరంతా సముద్రంలో కలిసి ఒకే పేరుతో సాగరముగా చెలామణి ఐనట్లు, సమస్త దేవతలకు చేసిన నమస్కారం అంతటా వ్యాపించి ఉన్న ఆ విష్ణువుకే చెందుతుంది. సాగర జలాలు కూడా ఆవిరిగా మరల ఆకాశమునకు చేరినట్లుగా, అవసరానికి భూమ్మీద అవతరించిన నిరాకార, నిర్గుణ పరబ్రహ్మ తత్వము అవతార లక్ష్యం పూర్తికాగానే మళ్లీ ఆ పరబ్రహ్మ తత్వంలో లీనమౌతుంది నీరు ఆవిరై కనిపించకుండా పోయినట్లు.
టి.సుధాకరశర్మ

ఇవి కూడా చదవండి :

కొన్నది వంకాయ.. కొసిరేది గుమ్మడికాయ

సంస్కృతానికి అగ్రాసనం

బెక్కల్లు శాసనము

స్ఫూర్తి పతాక

కలల పడవ!