కలల పడవ!

కలల పడవన అశ్రు జలధిని దాట గలిగిన చాలును! మృదుల గజలున హృదయ భారం మోయగలిగిన చాలును!

కలల పడవన అశ్రు జలధిని దాట గలిగిన చాలును!
మృదుల గజలున హృదయ భారం మోయగలిగిన చాలును!

ఎవరి కెవ్వరు తోడు నిలువని తిమిర వలయపు తోవన
మిణుగురగు చిరు ఆశ వెలుగున నడవ గలిగిన చాలును!

మీది పెద్దలు నేల వైపని ఎపుడు చూడని వేళన..
మీది మేఘం రైతుపై దయ కురువ గలిగిన చాలును!

చుట్టు లోకం అనుక్షణమూ కాలిముైల్లె సలుపగా..
నువ్వు పూలతో.. తనే దారిన నిలువ గలిగిన చాలును!

జీవితాంతం నటిస్తూనే కరిగిపోయే కాలము..
అసలు అశ్రువు ఒక్కటైనా.. ఒలక గలిగిన చాలును!

వక్రమార్గం చూపు విద్యలు ‘రాకుమార’ ఎందుకో..?
మనిషిలా ఓ నాల్గు నాళ్లూ.. బతుక గలిగిన చాలును!

మడిపల్లి రాజ్‌కుమార్‌,
9949699215

ఇవి కూడా చదవండి :

కొన్నది వంకాయ.. కొసిరేది గుమ్మడికాయ

సంస్కృతానికి అగ్రాసనం

బెక్కల్లు శాసనము

సాగరం.. నమస్కారం

స్ఫూర్తి పతాక