నవ్విపోదురుగాక!

తూలిపడినా, జారిపడినా లేవడానికి ఆసరా కోసం ఏ చెయ్యో, కాలో, తాడో, కొమ్మో పట్టుకోవడం సహజం. కానీ ఈ సూత్రం తమకు వర్తించదని తెలంగాణ కాంగ్రెస్‌ నాయకులు కొత్త భాష్యం చెప్తున్నారు. తాను పైకి లేవడానికి ఇవేవి కాకుండా కాలర్‌ పట్టుకున్నట్టు కాంగ్రెస్‌ సీనియర్‌ నేత రేణుకాచౌదరి ప్రకటించారు. రాహుల్‌గాంధీపై ఈడీ కేసులకు వ్యతిరేకంగా హైదరాబాద్‌లో నిర్వహించిన ఆందోళన సందర్భంగా రేణుకాచౌదరి పంజాగుట్ట ఎస్‌ఐ కాలర్‌ పట్టుకున్న విషయం

తూలిపడినా, జారిపడినా లేవడానికి ఆసరా కోసం ఏ చెయ్యో, కాలో, తాడో, కొమ్మో పట్టుకోవడం సహజం. కానీ ఈ సూత్రం తమకు వర్తించదని తెలంగాణ కాంగ్రెస్‌ నాయకులు కొత్త భాష్యం చెప్తున్నారు. తాను పైకి లేవడానికి ఇవేవి కాకుండా కాలర్‌ పట్టుకున్నట్టు కాంగ్రెస్‌ సీనియర్‌ నేత రేణుకాచౌదరి ప్రకటించారు. రాహుల్‌గాంధీపై ఈడీ కేసులకు వ్యతిరేకంగా హైదరాబాద్‌లో నిర్వహించిన ఆందోళన సందర్భంగా రేణుకాచౌదరి పంజాగుట్ట ఎస్‌ఐ కాలర్‌ పట్టుకున్న విషయం తెలిసిందే.

విధి నిర్వహణలో ఉన్న పోలీసులపై దురుసుగా ప్రవర్తించిన అభియోగం మీద తనపై కేసు నమోదు చేయడం పట్ల రేణుకా చౌదరి స్పందిస్తూ.. తానేమీ ఎస్‌ఐ కాలర్‌ పట్టుకోలేదని, ఆందోళనలో కిందపడితే పైకి లేవడానికి ఆసరా కోసం ఎస్‌ఐ కాలర్‌ పట్టుకున్నట్టు వివరణ ఇచ్చారు. ఆమె సమాధానానికి పోలీసు అధికారులు కళ్లు తిరిగి కిందపడబోయి ఎదుట నిల్చున్న వారి కాలర్‌ పట్టుకొని నిభాయించుకోవాల్సి వచ్చిందట!

– వెల్జాల