బుద్ధింకలు!

అవి దేశ రాజధానిలో పారాడితే ఆసేతు హిమాచలం కళ్లప్పగించింది! పైలా పచ్చీసుగాళ్లే అంత అనుకుంటే కురువృద్ధులకు నిద్ర దూరం చేశారు!

అవి దేశ రాజధానిలో పారాడితే
ఆసేతు హిమాచలం కళ్లప్పగించింది!
పైలా పచ్చీసుగాళ్లే అంత అనుకుంటే
కురువృద్ధులకు నిద్ర దూరం చేశారు!
ప్రధాన మాధ్యమాలు కళ్లు మూసుకున్నా
దేశం కంటి ముందు సోషల్‌ మీడియా!
కట్టుబట్టలతో బయలుదేరిన బిడ్డలకు
అన్నీ ఉన్న చోటుకే దేశమే ఒక తైల్లెంది!
మేం వట్టి ఓటుమాతృలమే కాదు
వినకుంటే మీకు చేటుకాలమే అన్నరు!
విభజన రేఖలు చెరిపేస్తూ
సరిహద్దు భయాలు ఊదేస్తూ వందేమాతరం!

క్షమించడానికి ఏమీ లేనప్పుడు కూడా
పోనీలే అంటే గాయాలు వెక్కిరిస్తాయి!
ఎవడేలితే ఏముందంటూ తొలిసారి
డొల్లతనాన్ని ఆవిష్కరించిన వెలుగురేఖలు!
మేల్కొన్న తరమొకటి మనకు
భరోసా పత్రం లిఖించి ఇచ్చింది!
నూనూగు మీసాలో రెండు జడల సీతో
ఎదురొస్తే చాలు అన్ని జెండాలు సలాములే!
ఒకే ఒక దెబ్బ అందరూ సర్దుకుంటున్నరు
‘బుద్ధింకల’ భయం దేశానికి సూర్యోదయం!!

– కోట్ల వెంకటేశ్వర రెడ్డి
9440233261