New year calendar | నూతన సంవత్సర క్యాలెండర్‌ ఆవిష్కరించిన మంత్రి శ్రీనివాస్ గౌడ్‌

చిక్కడపల్లి : తెలంగాణ గౌడ కల్లుగీత వృత్తిదారుల సంఘం రాష్ట్ర అధ్యక్షుడు అయిలి వెంకన్న గౌడ్‌ ఆధ్వర్యంలో రూపొందించిన నూతన సంవత్సర క్యాలెండర్‌ ను గురువారం రాష్ట్ర అబ్కారీ శాఖ మంత్రి డాక్టర్‌ వి.శ్రీనివాస్ గౌడ్ ఆయన నివాసంలో ఆవిష్కరించారు. ఈ సందర్భంగా ఆయన మాట్లాడుతూ ఈ నెలాకరులో కోకాపేటలో ఐదు ఎకరాలలో గౌడ భవనం నిర్మాణానికి శంకుస్థాపన చేస్తామని తెలిపారు.

కల్లుగీత వృత్తిని మరింతగా ఆధునీకరించి అభివృద్ధి చేస్తామన్నారు. ఈ కార్యక్రమంలో తెలంగాణ గౌడ కల్లుగీత వృత్తిదారుల సంఘం రాష్ట్ర అధ్యక్షుడు అయిలి వెంకన్న గౌడ్‌, తెలంగాణ గౌడ కల్లుగీత సంఘాల సమన్వయ కమిటీ చైర్మన్‌ బాలగౌని బాల్‌రాజ్‌ గౌడ్‌, వర్కింగ్‌ చైర్మన్‌ ఎలికట్టె విజయ్‌ కుమార్‌ గౌడ్‌ లు పాల్గొన్నారు.

వీరితోపాటు గౌడ ఐక్య సాధన సమితి అధ్యక్షుడు అంబాల నారాయణ గౌడ్‌, వైస్ చైర్మన్‌ గడ్డమీది విజయ్‌ కుమార్‌ గౌడ్‌, కల్లుగీత కార్మిక సంఘం రాష్ట్ర ఉపాధ్యక్షుడు వెంకట్‌ నర్సయ్య గౌడ్‌, కొత్త నవీన్‌ గౌడ్‌, శ్రీనివాస్ గౌడ్‌, చింతపల్లి శ్రీనివాస్ గౌడ్‌, అంబటి బాలచందర్‌ గౌడ్‌, మల్లికార్జున్‌ గౌడ్‌ తదితరులు పాల్గొన్నారు.