Chakali ilamma | భూస్వామ్య వ్యవస్థపై తిరుగుబాటు చేసిన‌ వీరనారి చాకలి ఐలమ్మ : మాగంటి గోపీనాధ్‌

వెంగళరావునగర్ : భూస్వామ్య వ్యవస్థ పై తిరుగుబాటు చేసి,ఆ వ్య‌వ‌స్థ‌ను రూపుమాపేందుకు పోరాటం చేసిన వీరనారి చాకలి ఐలమ్మ అని జూబ్లీహిల్స్​‍ ఎమ్మెల్యే మాగంటి గోపీనాధ్‌ అన్నారు. జవహర్‌ నగర్‌ కూడలి వద్ద ఆదివారం డివిజన్‌ కార్పొరేటర్‌ దేదీప్య విజయ్‌ ఆధ్వర్యంలో నిర్వహించిన ఐలమ్మ జయంతి వేడుకల్లో జూబ్లీహిల్స్​‍ ఎమ్మెల్యే మాగంటి గోపీనాధ్‌ ముఖ్యఅతిధిగా పాల్గొని ఐలమ్మ విగ్రహానికి పూలమాలవేసి నివాళులర్పించారు.

ఈ సందర్భంగా ఎమ్మెల్యే మాగంటి మాట్లాడుతూ దొరలు, భూస్వాములకు వ్యతిరేకంగా పోరాడిన వీరనారి చాకలి ఐలమ్మ అని కొనియాడారు. తెలంగాణ సాయుధ పోరాటంలో ఐలమ్మ కృషి మరవలేనిదని, మహిళల్లో చైతన్యం నింపిన ధీర వనిత ఐలమ్మ అన్నారు. ఈ కార్యక్రమంలో రజక సంఘం అధ్యక్షుడు ఆంజ‌నేయులు, రాజు రజక, బాలు రజకతో పాటు టీఆర్‌ఎస్ నాయకులు, కార్యకర్తలు పాల్గొన్నారు.