Tambulam | ఏ సంద‌ర్భాల్లో తాంబూలాలు ఇస్తారు.. వాటి ప్ర‌త్యేక‌త ఏంటి?

Tambulam | తమలపాకులు, వక్కలు, సున్నం, కొన్ని సుగంధ ద్రవ్యాలు కలిపి ఇచ్చేదే తాంబూలం. జీర్ణశక్తిని, రోగనిరోధక శక్తిని పెంచేందుకు రకరకాల నిష్పత్తులలో వేర్వేరు తాంబూలాలు కడుతుంటారు. సర్వ సాధారణంగా తాంబూలం అనేది తమలపాకులతోనే ఉంటుంది. అయితే పలు సందర్భాల్లో మామిడి, మారేడు ఆకులతో ఇచ్చే తాంబూలాలు కూడా ఉంటాయి. కవులను గ్రంథరచనకు ప్రోత్సహిస్తూ మహారాజులు కర్పూర తాంబూలాలు, బంగారు తాంబూలాలు ఇచ్చేవారని ప్రబంధాల నుంచి తెలుస్తుంది. ఆరోగ్య రక్షణ కోసం తాంబూలంలో జాజికాయ, జాపత్రి, పచ్చకర్పూరం, కస్తూరి మొదలైన సుగంధ ద్రవ్యాలను వినియోగిస్తుంటారు.

పెండ్లి, గృహప్రవేశం తదితర శుభకార్యాలలో విందుభోజనం తర్వాత తాంబూలం అందించటం పరిపాటి. వివాహ నిర్ణయ సందర్భాన్ని ‘నిశ్చయ తాంబూలాలు’ అని పిలవడాన్ని బట్టి మన సంప్రదాయంలో తాంబూలానికి ఎంత ప్రాధాన్యం ఉన్నదో అర్థం చేసుకోవచ్చు. షోడశోపచార పూజా విధిలోనూ దైవానికి తాంబూలం సమర్పిస్తారు. ఎవరైనా పెద్దలను, గురువులను కలిసే సమయంలోనూ తాంబూలం ఇస్తుంటారు. అయితే, ప్రమాదాలపాలైన వారిని పలకరించే సందర్భాల్లో తాంబూలం ఇవ్వడం సంప్రదాయ రీత్యా నిషేధం. ఇక రకరకాల ఉత్ప్రేరకాలతో సేవించే తాంబూలం వల్ల ఆరోగ్యానికి హాని కలుగుతుంది.

Read More :

పుట్టింటికి వచ్చిన ఆడపిల్లలు తొమ్మిదో రోజు అత్తవారింటికి ప్రయాణం చేయకూడదంటారు ఎందుకు ?

ఇంటి ముందు గుమ్మ‌డి కాయ ఎందుకు క‌డ‌తారు?

జపం చేసేట‌ప్పుడు జ‌ప‌మాల‌ను చూపుడు వేలుతో ఎందుకు తిప్ప‌కూడ‌దు?

పారిజాత పుష్పాలు కింద‌ప‌డినా దేవుడికి పెడ‌తారు ఎందుకు?

క‌ర్మ ఫ‌లం అంటే ఏంటి? ఈ జ‌న్మ‌లో చేసిన పాపాల‌కు వ‌చ్చే జ‌న్మ‌లో అనుభ‌వించాల్సిందేనా?

ప్ర‌ద‌క్షిణ‌లు చేసేట‌ప్పుడు గ‌ర్భ‌గుడి వెనుక తాక‌డం దోష‌మా?