Vinayaka Chavithi | వినాయకుడి రూపాలు ఎన్ని..? మనం ఎక్కువగా పూజించే గణపతి రూపం ఇదే..!

Vinayaka Chavithi | వినాయకుడికి సహస్రం పైగా పేర్లు ఉన్నాయని పురాణాలు చెబుతున్నాయి. ఆయన్ను విఘ్నేశ్వరుడు, గణపతి, లంబోదరుడు, గజాననుడు వంటి ఎన్నో పేర్లతో పిలుస్తారు. అలాగే, విఘ్నేశ్వరుడి రూపాలు ఒకటి రెండు కావు.. 32 రూపాలలో భక్తులతో పూజలందుకుంటాడు.

Vinayaka Chavithi | వినాయకుడికి సహస్రం పైగా పేర్లు ఉన్నాయని పురాణాలు చెబుతున్నాయి. ఆయన్ను విఘ్నేశ్వరుడు, గణపతి, లంబోదరుడు, గజాననుడు వంటి ఎన్నో పేర్లతో పిలుస్తారు. అలాగే, విఘ్నేశ్వరుడి రూపాలు ఒకటి రెండు కావు.. 32 రూపాలలో భక్తులతో పూజలందుకుంటాడు. సాధారణంగా ప్రజలలో షోడశ గణపతులు అంటే 16 ప్రధాన గణపతి రూపాల గురించి మాత్రమే అవగాహన ఉంటుంది. అయితే, ఈ షోడశ గణపతులు కూడా 32 గణపతుల్లో భాగంగానే ప్రాముఖ్యత ఉంది. ఈ 16 రూపాల్లో అత్యంత ప్రముఖమైనది మహాగణపతి. పూజల్లో ఎక్కువగా ఈ రూపాన్నే ఆరాధిస్తుంటారు.

గణపతి రూపాలు.. ప్రత్యేకతలు..

• బాల గణేశుడు : చిన్నపిల్లల రూపంలో దర్శనమివ్వడే ప్రత్యేకత.
• తరుణ గణపతి : యవ్వన రూపంలో వినాయక రూపం ఉంటుంది.
• భక్త గణేశుడు : భక్తుల అనుగ్రహించే స్వరూపం.
• వీర గణపతి : పన్నెండు చేతులతో, ఆయుధాలతో శౌర్యాన్ని సూచించే గణేశుడు.
• శక్తి గణపతి : శక్తి ప్రదర్శించే నాలుగు చేతుల గణపతి రూపం.
• ద్విజ గణపతి : నాలుగు తలలు, నాలుగు చేతులతో బ్రాహ్మణ రూపాన్ని సూచిస్తాడు.
• సిద్ధి గణపతి : కోరికలను తీరుస్తాడనే విశ్వాసం.
• ఉచ్ఛిష్ట గణపతి : స్వామివారు అమ్మవారిని ఆలింగనం చేసిన అరుదైన రూపం.
• విఘ్న గణపతి : విఘాలకు అధిపతి.
• క్షిప్ర గణపతి : సులభంగా ప్రసన్నమయ్యే స్వరూపం.
• హేరంబ గణపతి : తల్లి పార్వతికి అత్యంత ప్రియమైన కుమారుడు.
• లక్ష్మీ గణపతి : సిద్ది, బుద్ధిదేవతల్ని ఆలింగనం చేసిన ఎనిమిది చేతుల గణపతి.
• మహా గణపతి : ఏకదంతంతో, ఎనిమిది చేతులతో పూజల్లో ప్రాధాన్యం పొందిన రూపం.
• విజయ గణపతి : భక్తులకు విజయాలను ప్రసాదించే గణపతి.
• నృత్య గణపతి : నాట్యమాడే భంగిమలో దర్శనమిస్తాడు.
• ఊర్ధ్వ గణపతి : ఎనిమిది చేతులతో.. ఒక చేతిలో గద, మరో చేతితో అమ్మవారిని ఆలింగనం చేసుకొని కనిపించే రూపం.
• ఏకాక్షర గణపతి : తలపై చంద్రవంకతో, నాలుగు చేతులు కలిగిన వినాయకుడు.
• వర గణపతి : వరాలను ప్రసాదించే స్వామి.
• త్రయాక్షర గణపతి : బంగారు వర్ణంతో ప్రకాశించే గణేశుడు.
• క్షిప్ర ప్రసాద గణపతి : అరుణ వర్ణంలో, త్వరగా ఫలితమిచ్చే స్వరూపం.
• హరిద్ర గణపతి : పసుపు వర్ణంలో కనిపించే శుభ దాయకుడు.
• ఏకదంత గణపతి : శ్యామ వర్ణంతో ఒకే దంతంతో ఉండే రూపం.
• సృష్టి గణపతి : రక్త వర్ణంలో ఉండి పెద్ద ఎలుకపై విహరిస్తాడు.
• ఉద్దండ గణపతి : ఎరుపు వర్ణంలో ఉండి, ధర్మం, న్యాయాన్ని నిలబెట్టే రూపం.
• ఋణమోచన గణపతి : అప్పుల నుంచి విముక్తి కలిగించే గణపతి.
• దుండి గణపతి : రక్తవర్ణంలో ఉంటాడు. కోరిన కోరికలను వెంటనే తీర్చే స్వరూపంగా భావిస్తారు.
• ద్విముఖ గణపతి : హరినీల వర్ణంలో ఉండి.. రెండు తలలతో ప్రత్యేకత కలిగిన రూపం.
• త్రిముఖ గణపతి : మూడు ముఖాల కలిగిన గణేశుడి రూపం.
• సింహ గణపతి : తెలుపు రంగులో ఉండి.. సింహ ముఖం, ఏనుగు తొండంతో కనిపించే స్వరూపం.
• యోగ గణపతి : యోగ భంగిమలో, చేతిలో యోగదండంతో దర్శనమిస్తాడు.
• దుర్గా గణపతి : బంగారు వర్ణంలో, దుర్గాదేవిని పోలిన అజేయ స్వరూపం.
• సంకటహర గణపతి : బాధలు, సమస్యలను తొలగించే వినాయకుడు.

ఈ 32 రూపాల వినాయకుడికి మన భారతీయ సంస్కృతిలో ఎనలేని స్థానం ఉంది. ప్రతీ రూపానికి ప్రత్యేకత, శక్తి, గుణగణాలు ఉంటాయి. భక్తులు తమ కోరికలు, అవసరాల ప్రకారంగా ఈ రూపాల్లో గణపతిని ఆరాధిస్తారు.