శ్రీ దుర్గాదేవి అలంకారంలో విజయవాడ కనకదుర్గ

Durga Devi | విజయవాడలోని ఇంద్రకీలాద్రిపై శరన్నవరాత్రి ఉత్సవాలు కన్నులపండువగా కొనసాగుతున్నాయి. ఉత్సవాల్లో ఎనిమిదో రోజైన సోమవారం.. అమ్మవారు శ్రీ దుర్గాదేవి అలంకారంలో

అమరావతి: విజయవాడలోని ఇంద్రకీలాద్రిపై శరన్నవరాత్రి ఉత్సవాలు కన్నులపండువగా కొనసాగుతున్నాయి. ఉత్సవాల్లో ఎనిమిదో రోజైన సోమవారం.. అమ్మవారు శ్రీ దుర్గాదేవి (Durga Devi) అలంకారంలో భక్తులకు దర్శనమివ్వనున్నారు. త్రిశూలం ధరించి సింహవాహనాన్ని అధిష్ఠించి, బంగారు కిరీటాన్ని ధరించి తన కాలి కింద మహిషాసురుణ్ణి తొక్కిపెట్టి ఉంచుతున్నట్లుగా దుర్గమ్మ దర్శనమిస్తారు. దుర్గతులను రూపుమాపే దుర్గావతారంలో దుర్గముడు అనే రాక్షసుణ్ణి వధించి దుర్గాదేవి స్వయంగా కీలాద్రిపై అవతరించినట్లు ఆలయ చరిత్ర చెబుతున్నది.

దుర్గాదేవి రూపంలో ఉన్న అమ్మవారిని దర్శించుకుంటే దుర్గతులు దూరమవుతాయని భక్తులు విశ్వసిస్తారు. ఈ నేపథ్యంలో అమ్మవారి దర్శనార్ధం భక్తులు పెద్దసంఖ్యలో తరలివస్తున్నారు. కూరగాయలు, ఆకుకూరలు, బియ్యం కలిపి వండే కదంబం ను అమ్మవారిని నివేదనచేస్తారు. కాగా, అమ్మవారు ఆదివారం సరస్వతీదేవి అలంకారంలో భక్తులకు దర్శనమిచ్చారు. తొమ్మిదో రోజైన రేపు (మంగళవారం) శ్రీ మహిషాసుర మర్దిని దేవిగా కనిపించనున్నారు.