Navaratri Brahmotsavams | నవరాత్రి బ్రహ్మోత్సవాలను ఘనంగా నిర్వహించాలి : టీటీడీ అదనపు ఈవో

Navaratri Brahmotsavams | శ్రీవారి సాలకట్ల బ్రహ్మోత్సవాలు విజయవంతం స్ఫూర్తితో నవరాత్రి బ్రహ్మోత్సవాలను గొప్పగా నిర్వహించాలని టీటీడీ అదనపు ఈవో వెంకయ్య చౌదరి కోరారు.

తిరుమల : శ్రీవారి సాలకట్ల బ్రహ్మోత్సవాలు విజయవంతం స్ఫూర్తితో నవరాత్రి బ్రహ్మోత్సవాలను ( Navaratri Brahmotsavams ) గొప్పగా నిర్వహించాలని టీటీడీ ( TTD ) అదనపు ఈవో వెంకయ్య చౌదరి కోరారు. శ్రీవారి నవరాత్రి బ్రహ్మోత్సవాల్లో విధులు కేటాయించిన ఉద్యోగులకు నిర్వహించిన సమావేశంలో ఆయన మాట్లాడారు. శ్రీవారి సాలకట్ల బ్రహ్మోత్సవాలను అందరి సమన్వయంతో నిర్వహించామని, ఈ విజయం ఉద్యోగుల అందరిదని చెప్పారు.

జెఈవో డాక్టర్ శరత్ మాట్లాడుతూ అధికారులు, సిబ్బంది కలిసి టీమ్ వర్క్ గా పని చేయడం వల్ల గత బ్రహ్మోత్సవాలు విజయవంతం అయ్యాయని, ఇదే స్ఫూర్తితో శ్రీవారి నవరాత్రి బ్రహ్మోత్సవాలను విజయవంతం చేయాలని కోరారు. సీవీఎస్‌వో మురళీకృష్ణ మాట్లాడుతూ బ్రహ్మోత్సవాల సమయంలో భక్తుల భద్రత చాలా కీలకమైన అంశమని, కావున మాడవీధుల్లో కానీ‌, ఇతర ప్రాంతాల్లో కానీ భద్రతాధికారుల సూచనలను తప్పక పాటించాల ని కోరారు. అత్యవసర సమయాల్లో అంబులెన్స్ వెళ్లేందుకు వీలుగా గేట్లను తెరిచి ఉంచడానికి ఉద్యోగులు, శ్రీవారి సేవకులు సహకరించాలన్నారు.