Tirumala | తిరుమలలో ఒక్కరోజే 4.03 లక్షల లడ్డూల విక్రయం

Tirumala | వడ్డీ కాసులవాడు, వేంకటరమణుడు కొలువుదీరిన తిరుమలలో భక్తుల రద్దీ కొనసాగుతుంది.

తిరుమల : వడ్డీ కాసులవాడు, వేంకటరమణుడు కొలువుదీరిన తిరుమల (Tirumala ) లో భక్తుల రద్దీ కొనసాగుతుంది. వివిధ ప్రాంతాల నుంచి వచ్చిన భక్తులతో శనివారం అన్ని కంపార్టుమెంట్లు నిండిపోయి శిలాతోరణం వరకు క్యూలైన్‌లో నిలబడ్డారు.టోకెన్లు లేని భక్తులకు 15 గంటల్లో సర్వదర్శనం అవుతుందని టీటీడీ అధికారులు వివరించారు.

శుక్రవారం స్వామివారిని 70,124 మంది భక్తులు దర్శించుకోగా 32,298 మంది తలనీలాలు సమర్పించుకున్నారు. భక్తులు సమర్పించుకున్న కానుకల వల్ల హుండీకి రూ.4.92 కోట్లు ఆదాయం వచ్చిందన్నారు. 4.03 లక్షల లడ్డూలను ( Laddoos Sale) విక్రయించామని, 2,61 లక్షల మందికి అన్నప్రసాదం అందించామని వివరించారు.