మెట్రో స్టేషన్‌లో మహిళకు లైంగిక వేధింపులు… సీసీటీవీలో రికార్డు

న్యూఢిల్లీ: మెట్రో స్టేషన్‌లో కూర్చొన్న మహిళను ఒక వ్యక్తి లైంగికంగా వేధించాడు. తన ప్రైవేట్‌ భాగాన్ని చూపించి అభస్యంగా ప్రవర్తించాడు. దీంతో భయపడిన ఆమె అక్కడి నుంచి లేచి వెళ్లిపోయింది. దేశ రాజధాని ఢిల్లీ మెట్రో స్టేషన్‌లో ఈ సంఘటన జరిగింది. జూన్‌ 2న ఒక మహిళ మెట్రో రైలులో ప్రయాణించింది. ఒక వ్యక్తి ఆమె వద్దకు వచ్చి ఒక అడ్రస్‌ గురించి అడిగాడు. ఆ అడ్రస్‌ గురించి చెప్పిన ఆమె జోర్‌ భాగ్‌ మెట్రో స్టేషన్‌లో దిగింది. ఫ్లాట్‌ఫామ్‌పై ఒక చోట కూర్చొని క్యాబ్‌ బుక్‌ చేస్తున్నది.

కాగా, ఆ వ్యక్తి కూడా అదే స్టేషన్‌లో దిగాడు. మెట్రో స్టేషన్‌లో కూర్చొన్న ఆమె వద్దకు వచ్చి అడ్రస్‌ గురించి మళ్లీ అడిగాడు. ఆమె దాని గురించి చెబుతుండగా తన ప్రైవేట్‌ భాగాన్ని ప్రదర్శించాడు. దీంతో అతడి లైంగిక వేధింపులకు భయపడిన ఆ మహిళ అక్కడి నుంచి వెళ్లిపోయింది. అనంతరం ఈ ఘటనపై వరుస ట్వీట్లు చేసింది. సమీపంలో ఉన్న పోలీస్‌ సహాయం కోరినా పట్టించుకోలేదని ఆరోపించింది.

మరోవైపు మహిళ ట్వీట్లపై స్పందించిన ఢిల్లీ పోలీసులు ఆ మెట్రో స్టేషన్‌లోని సీసీటీవీ ఫుటేజ్‌ను పరిశీలించారు. దాని ఆధారంగా నిందితుడ్ని గుర్తించి తాజాగా అరెస్ట్ చేశారు. అతడిపై పలు సెక్షన్ల కింద కేసు నమోదు చేసి దర్యాప్తు చేస్తున్నారు. కాగా, ఆ సీసీటీవీ వీడియో క్లిప్‌ సోషల్‌ మీడియాలో వైరల్‌ అయ్యింది.

Woman Molested Inside Delhi Metro Station, Horrific Act Caught on CCTV#DelhiMetro #JorBagh pic.twitter.com/iHKP2nMWwl

— TIMES NOW (@TimesNow) July 6, 2022