Part-time job scam | పార్ట్‌టైం జాబ్ ఆఫర్ పేరుతో రూ. కోట్లు కొట్టేశాడు

Part-time job scam : పార్ట్ టైం జాబ్ ఆఫర్ పేరుతో అమాయకుల నుంచి రూ. 1.42 కోట్ల‌ను కొట్టేసిన 30 ఏండ్ల వ్య‌క్తిని పోలీసులు అరెస్ట్ చేశారు. నిందితుడు అనిల్ కుమార్ మీనా త‌న ఫ్రెండ్స్‌తో క‌లిసి ఈ మోసానికి తెర‌లేపాడు.

Part-time job scam : పార్ట్ టైం జాబ్ ఆఫర్ పేరుతో అమాయకుల నుంచి రూ. 1.42 కోట్ల‌ను కొట్టేసిన 30 ఏండ్ల వ్య‌క్తిని పోలీసులు అరెస్ట్ చేశారు. నిందితుడు అనిల్ కుమార్ మీనా త‌న ఫ్రెండ్స్‌తో క‌లిసి ఈ మోసానికి తెర‌లేపాడు. గూగుల్‌, టెలిగ్రాం, ఇన్‌స్టాగ్రాం వంటి సోష‌ల్ మీడియా వేదిక‌ల‌పై రివ్యూలు, రేటింగ్స్ ఇస్తూ పార్ట్‌టైం జాబ్‌తో ఆదాయం ఆర్జించ‌వ‌చ్చ‌ని న‌మ్మ‌బ‌లుకుతూ స్కామ‌ర్లు బాధితుల నుంచి భారీగా వ‌సూలు చేశారు.

భారీ రిట‌న్స్ వ‌స్తాయ‌ని చెబుతూ త‌ప్పుడు హామీల‌తో ప్ర‌జ‌ల‌ను ముంచిన నిందితులు ప‌లువురు ప్ర‌ముఖుల నుంచి స్టాక్ మార్కెట్‌లోనూ భారీగా పెట్టుబ‌డులు పెట్టించి దోపిడీకి తెగ‌బ‌డ్డారు. నిందితులు ముందుగా బాధితుల న‌మ్మ‌కం చూరగొనేందుకు ఆరంభంలో మంచి లాభాల‌ను చూపించి ఆపై పెద్ద‌మొత్తంలో పెట్టుబ‌డుల‌ను పెట్టించి వాటిని త‌మ ఖాతాల్లోకి బ‌దిలీ చేసుకుని ఫోన్ల‌ను డిస్‌క‌నెక్ట్ చేస్తుంటారు.

పోలీసులు నిందితుడి నుంచి 1200 సిమ్ కార్డులు, పెద్ద‌సంఖ్య‌లో మొబైల్ ఫోన్స్‌ను స్వాధీనం చేసుకున్నారు. ఈ కేసులో మీనా ప్ర‌ధాన నిందితుడిగా ముంబై, జైపూర్ పోలీసులు గుర్తించారు. కేసు విచార‌ణ‌ను పోలీసులు వేగవంతం చేశారు.

Read More :

H1B Visa | హెచ్‌1బీ వీసా ఫీజు భారీగా పెంపు.. కొత్త ఫీజులు ఏప్రిల్‌ 1 నుంచి అమల్లోకి..