వేటగాళ్లను పట్టించిన కెమెరా ట్రాప్‌లు

క్రైం న్యూస్‌ | నల్లమల అడవుల్లో జంతువులను వేటాడి వాటి కళేబరాలతో అటవీ ప్రాంతం నుంచి వెళ్లిపోయిన వేటగాళ్లను కెమెరాలు పట్టించాయి.

June 7, 2021 / 09:52 PM IST

నాగర్ కర్నూల్ : నల్లమల అడవుల్లో జంతువులను వేటాడి వాటి కళేబరాలతో అటవీ ప్రాంతం నుంచి వెళ్లిపోయిన వేటగాళ్లను కెమెరాలు పట్టించాయి. జిల్లాలోని అచ్చంపేట మండలం చౌటపల్లి గ్రామ పరిధిలోని మైసమ్మ మడుగు అటవీప్రాంతంలో గత కొన్ని రోజుల కిందట అడవిలోకి అనుమతి లేకుండా ప్రవేశించి, ఉచ్చులు, గొడ్డల్లతో చుక్కల దుప్పి, సాంబార్ అనే అడివి జంతువులను వేటాడి వాటి కలేభరాలతో వస్తున్న క్రమంలో అటవీ శాఖ వారు అమర్చిన కెమెరాలకు చిక్కారు. 10 మంది నిందితులను గుర్తించి అదుపులోకి తీసుకొని విచారణ చేపట్టారు. వారిపై కేసు నమోదు చేసి అచ్చంపేట కోర్టులో హాజరు పరుచగా వారికి కోర్టు 14 రోజుల రిమాండ్ విధించిందని అటవీ శాఖ అధికారులు తెలిపారు.