Garlic Mushroom Fried Rice Recipe | గార్లిక్‌ మష్రూమ్‌ ఫ్రైడ్‌ రైస్‌ తయారీ విధానం

Garlic Mushroom Fried Rice Recipe | బాస్మతి బియ్యాన్ని కడిగి అరగంటపాటు నానబెట్టి కొద్దిగా ఉప్పు, నూనె వేసిన నీళ్లలో ఉడికించి, ఆ నీళ్లు వంపేయాలి.

Garlic Mushroom Fried Rice Recipe | గార్లిక్‌ మష్రూమ్‌ ఫ్రైడ్‌ రైస్‌ తయారీకి కావలసిన పదార్థాలు

బాస్మతి బియ్యం: ఒక కప్పు, తరిగిన మష్రూమ్స్‌: అర కప్పు, ఆలివ్‌ ఆయిల్‌: అర కప్పు, వెల్లుల్లి రెబ్బలు: పది, తురిమిన అల్లం, వెల్లుల్లి: ఒక టీస్పూన్‌ చొప్పున, పచ్చిమిర్చి: రెండు, ఉల్లిగడ్డ: ఒకటి, తురిమిన క్యాప్సికమ్‌, క్యారెట్‌, బీన్స్‌: ఒక టేబుల్‌ స్పూన్‌ చొప్పున, సోయాసాస్‌, వెనిగర్‌: ఒక టీస్పూన్‌ చొప్పున, రెడ్‌ చిల్లీ సాస్‌, షెజ్‌వాన్‌ సాస్‌: ఒక టేబుల్‌ స్పూన్‌ చొప్పున, తరిగిన స్ప్రింగ్‌ ఆనియన్‌: ఒక టీస్పూన్‌, మిరియాల పొడి: అర టీస్పూన్‌, ఉప్పు: తగినంత.

Garlic Mushroom Fried Rice Recipe | గార్లిక్‌ మష్రూమ్‌ ఫ్రైడ్‌ రైస్‌ తయారీ విధానం

బాస్మతి బియ్యాన్ని కడిగి అరగంటపాటు నానబెట్టి కొద్దిగా ఉప్పు, నూనె వేసిన నీళ్లలో ఉడికించి, ఆ నీళ్లు వంపేయాలి. స్టవ్‌మీద పాన్‌ పెట్టి ఒక టేబుల్‌ స్పూన్‌ నూనె వేసి మష్రూమ్స్‌, కొద్దిగా ఉప్పు, మిరియాల పొడి వేసి వేయించి పక్కన పెట్టాలి. అదే పాన్‌లో మరో టేబుల్‌స్పూన్‌ నూనె వేసి, నిలువుగా కత్తిరించిన వెల్లుల్లి రెబ్బల్ని దోరగా వేయించి పక్కన పెట్టాలి. మిగతా నూనె వేసి.. వేడయ్యాక తరిగిన వెల్లుల్లి, అల్లం, పచ్చిమిర్చి, ఉల్లిగడ్డ ముక్కలు జోడించాలి. అన్నీ వేగాక క్యారెట్‌, క్యాప్సికమ్‌, బీన్స్‌ తరుగు వేసి రెండు నిమిషాలు సన్నని మంటపై వేయించాలి. సోయా సాస్‌, వెనిగర్‌, షెజ్‌వాన్‌, రెడ్‌ చిల్లీ సాస్‌, ఉప్పు కలగలిపి.. ఉడికించి పెట్టుకున్న అన్నం, వేయించిన మష్రూమ్స్‌, వెల్లుల్లి రెబ్బలు కలిపేయాలి. పైనుంచి స్ప్రింగ్‌ ఆనియన్‌ చల్లుకుంటే వేడివేడి మష్రూమ్‌ గార్లిక్‌ ఫ్రైడ్‌ రైస్‌ సిద్ధం.

Read More Recipes :

Mushroom Hummus Recipe | మష్రూమ్‌ హుమ్మస్‌ తయారీ విధానం”