HomeCookingDum Ke Roat Muharram Delicacy In Hyderabad
ముహర్రమ్ ట్రీట్ రెడీ
విభిన్న రుచులకు హైదరాబాద్ నెలవు. ఆ వెరైటీలను ఆస్వాదించడంలో హైదరాబాదీలు ముందుంటారు. బేకరీ ఫుడ్లో ద బెస్ట్గా నిలుస్తుంది ‘దమ్ కీ రోట్'.
విభిన్న రుచులకు హైదరాబాద్ నెలవు. ఆ వెరైటీలను ఆస్వాదించడంలో హైదరాబాదీలు ముందుంటారు. బేకరీ ఫుడ్లో ద బెస్ట్గా నిలుస్తుంది ‘దమ్ కీ రోట్’. ముఖ్యంగా ఇస్లామిక్ క్యాలెండర్లో మొదటి నెల ముహర్రమ్ మాసం పది రోజులు ‘దమ్ కీ రోట్’కు బాగా గిరాకీ ఉంటుంది. నిజాం కాలంలో ముహర్రమ్ సందర్భంగా బీదసాదలకు వీటిని పంచే సంప్రదాయం ఉండేది. టీ సాసర్ పరిమాణంలో ఉబ్బెత్తుగా ఉండే ఈ కుకీస్ రుచి పసందుగా ఉంటుంది.
పోషకాల ఖజానాగానూ పేరుంది. గోధుమపిండి, సాబుదానా, తేనె, వెన్న, పాల ఉత్పత్తులు రంగరించి వెజిటబుల్ ఆయిల్లో వేయించి చేస్తారు. ఎగ్ ఫ్రీ కావడంతో శాకాహారులూ లాగించేయొచ్చు. సాధారణంగా ముహర్రమ్ మొదటి పదిరోజులూ వీటి విక్రయాలు సాగుతాయి. ఈ దఫా నెలంతా విక్రయించడానికి బేకరీదారులు సిద్ధమయ్యారు. వీటి ధర రూ.400 నుంచి రూ.750 వరకు పలుకుతున్నది. ఇంకెందుకు ఆలస్యం ‘దమ్ కీ రోట్’ను మీరూ ఆస్వాదించేయండి.