Dhanraj Vineeth | ధన్రాజ్ కెరీర్కు బిగ్ బూస్ట్ ఇవ్వనున్న ‘వరం’ వెబ్ సిరీస్!
Dhanraj Vineeth | టాలీవుడ్లో క్యారెక్టర్ ఆర్టిస్టుగా, కమెడియన్గా తనకంటూ ప్రత్యేకమైన గుర్తింపు తెచ్చుకున్న నటులలో ధన్రాజ్ వినీత్ ఒకరు. ఇటీవలే దండోరా సినిమాలో తన నటనతో మెప్పించిన అతడు వైవిధ్యమైన పాత్రలతో ఎప్పుడూ ప్రేక్షకుల ముందుకు వచ్చేందుకు ప్రయత్నం చేస్తున్నాడు.
టాలీవుడ్లో క్యారెక్టర్ ఆర్టిస్టుగా, కమెడియన్గా తనకంటూ ప్రత్యేకమైన గుర్తింపు తెచ్చుకున్న నటులలో ధన్రాజ్ వినీత్ ఒకరు. ఇటీవలే దండోరా సినిమాలో తన నటనతో మెప్పించిన అతడు వైవిధ్యమైన పాత్రలతో ఎప్పుడూ ప్రేక్షకుల ముందుకు వచ్చేందుకు ప్రయత్నం చేస్తున్నాడు. ఈ క్రమంలోనే అతడు తాజాగా నటించిన వెబ్ సిరీస్. ‘వరం’. మెగా డాటర్ సుస్మిత కొణిదెల నిర్మాణంలో రూపొందిన ఈ సూపర్ నేచురల్ క్రైమ్ థ్రిల్లర్ జియోహాట్స్టార్లో స్ట్రీమింగ్ అవుతూ మంచి టాక్ తెచ్చుకుంటోంది. ఈ సిరీస్ విజయం, ఇందులో ఆయన పాత్ర తీరుతెన్నులు ధన్రాజ్ కెరీర్కు ఏ విధంగా పెద్ద ప్లస్ కాబోతున్నాయనేది చూద్దాం.
‘వరం’ సిరీస్లో ధన్రాజ్ హీరో రాజు (విశ్వదేవ్ రాచకొండ) స్నేహితుడిగా ‘నాని’ పాత్రలో నటించారు. సాధారణంగా సినిమాలలో హీరో ఫ్రెండ్ అనగానే కేవలం కొన్ని కామెడీ సీన్లకు మాత్రమే పరిమితం చేస్తుంటారు. కానీ ఈ సిరీస్లో ధన్రాజ్ కేవలం నవ్విచడమే కాకుండా, కథ ముందుకు సాగే కొద్దీ వచ్చే మలుపులలో ఒక కీలకమైన భాగస్వామిగా కనిపిస్తారు. ఆయన పాత్రలోని సహజత్వం, టైమింగ్ డైలాగులు ప్రేక్షకులను కడుపుబ్బా నవ్విస్తూనే, కథలో ఇమిడిపోయేలా ఉంటాయి.
కేవలం కామెడీ జోనర్కే పరిమితం కాకుండా, థ్రిల్లర్ జోనర్ కథల్లోనూ తాను ఏ పాత్రనైనా అవలీలగా చేయగలనని ధన్రాజ్ ఈ సిరీస్ ద్వారా మరోసారి నిరూపించారు. కథానాయకుడితో సమానంగా ప్రయాణించే ఈ పాత్రలో ధన్రాజ్ నటనకు మంచి స్కోప్ దక్కింది. ప్రతి ఎపిసోడ్లోనూ ఆయన పాత్ర ప్రేక్షకుడికి గుర్తుండిపోయేలా ఉండటం ఆయనకు పెద్ద ప్లస్ పాయింట్. నేడు థియేటర్ల కంటే ఓటీటీ కంటెంట్కు ఆదరణ విపరీతంగా పెరిగింది. జియోహాట్స్టార్ లాంటి పెద్ద ప్లాట్ఫారమ్లో వస్తున్న ఈ సిరీస్ ద్వారా ధన్రాజ్ నటన దేశవ్యాప్తంగా లేదా పాన్-ఇండియా స్థాయిలో డిజిటల్ ప్రేక్షకులకు మరింత చేరువయ్యే అవకాశం ఉంది. మొత్తానికి, ‘వరం’ సిరీస్ ధన్రాజ్ వినీత్ నటుడిగా తన పరిధిని మరింత విస్తరించుకోవడానికి, భవిష్యత్లో మరిన్ని బలమైన పాత్రలు ఆయనను వెతుక్కుంటూ రావడానికి ఒక చక్కని మెట్టుగా నిలవనుంది అనడంలో ఎలాంటి సందేహం లేదు. అయితే అక్టోబర్ 29న విడుదలయ్యే ఇంకో రెండు ఎపిసోడ్లలో ధనురాజ్ పాత్ర ఎలా ఉండబోతుంది అనేది ప్రస్తుతం ఆసక్తికరంగా మారింది.
Read Today's Latest Cinema News in Telugu and Telugu News
RELATED ARTICLES
తాజా వార్తలు
The Lakshmana | వెండితెరపై లక్ష్మణుడి అజ్ఞాత వీరగాథ.. ఆకట్టుకుంటున్న ‘ది లక్ష్మణ’ ఫస్ట్ లుక్ పోస్టర్!
Mallu Ravi | ఎమ్మెల్యేలు కోమటిరెడ్డి రాజగోపాల్ రెడ్డి, అనిరుధ్ రెడ్డి లక్ష్మణ రేఖ దాటారు : మల్లు రవి
YSRCP | టీడీపీ ఎమ్మెల్యే జయరాం వర్గీయుల దౌర్జన్యం.. వైఎస్సార్సీపీ నేత రామాంజనేయరెడ్డి కిడ్నాప్
Road Accident | లారీని ఢీకొట్టిన టెంపో.. ఒకే కుటుంబానికి చెందిన 9 మంది దుర్మరణం..!
Army Families Killed | లారీ ఢీకొట్టడంతో రెండు ముక్కలైన కారు.. ఆర్మీ కుటుంబాలకు చెందిన ఏడుగురు మృతి
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

