Anushka Shetty | కొందరు హీరోయిన్ల కెరీర్ను కొన్ని సినిమాలు డిసైడ్ చేస్తుంటాయి. అలా అనుష్క కెరీర్ను దారుణంగా డిసైడ్ చేసిన సినిమా సైజ్ జీరో. ఏ ముహూర్తంలో ఆ సినిమాకు సైన్ చేసిందో తెలియదు కానీ అప్పట్నుంచి ఇప్పటి వరకు మునపటి లుక్లోకి మాత్రం రాలేకపోతుంది ఈ బ్యూటీ. ఒకప్పుడు సన్నగా మెరుపుతీగలా కనిపించిన అనుష్క.. ఆ తర్వాత కాస్త బరువు పెరిగింది కానీ ఎప్పుడూ చూడ్డానికి ఎబ్బెట్టుగా మాత్రం లేదు. కానీ ఇప్పుడు మాత్రం పూర్తిగా బరువు పెరిగిపోయి.. గుర్తు కూడా పట్టనంతగా మారిపోయింది అనుష్క. అసలు ఈ బ్యూటీ బరువు పెరగడానికి కారణమేంటి..? యోగా టీచర్ అయ్యుండి కూడా వెయిట్ ఎందుకు తగ్గలేకపోతున్నారు అంటూ ఆరా తీస్తున్నారు అభిమానులు.
కెరీర్ మొదట్లో చాలా సన్నగా కనిపించింది అనుష్క. సూపర్, మహానంది, విక్రమార్కుడు లాంటి సినిమాల్లో అనుష్కను చూసి అంతా ఫిదా అయిపోయారు. ఆ తర్వాత కాస్త బరువు పెరిగి బొద్దుగా ముద్దుగా మారిపోయింది. అనుష్క నటనకే కాదు.. గ్లామర్కు కూడా ఫ్యాన్స్ ఉన్నారు. కానీ ఎప్పుడైతే 2015లో సైజ్ జీరో సినిమా చేసిందో అప్పట్నుంచే అనుష్క వెయిట్ కంట్రోల్ తప్పింది. వెయిట్ పెరుగుతూనే ఉన్నారు కానీ తగ్గట్లేదు ఈ బ్యూటీ. మధ్యలో బాహుబలి పార్ట్ 1లో సన్నగా కనిపించింది జేజమ్మ. దాంతో హమ్మయ్యా.. మళ్లీ మామూలు లుక్లోకి వచ్చేసిందిగా అంటూ పండగ చేసుకున్నారు ఫ్యాన్స్. కానీ ఆ సంతోషం మూన్నాళ్ల ముచ్చటగానే మిగిలిపోయింది. బాహుబలి పార్ట్ 2తో పాటు భాగమతిలో వెయిట్ పెరిగింది. ఈ రెండు సినిమాల్లో అనుష్కను సన్నగా చూపించడానికి స్పెషల్ గ్రాఫిక్స్ యూజ్ చేయాల్సి వచ్చింది. ఇప్పుడు ఇంకా వెయిట్ పెరిగిపోయింది. తాజాగా ఈమె లుక్ మరింత వైరల్ అవుతుంది.
పూర్తిగా బరువు పెరిగిపోయిన అనుష్కను చూసి అయ్యో పాపం అంటూ షాక్ అవుతున్నారు ఫ్యాన్స్. ఇలా ఆమెను చూస్తామని వాళ్లు ఎప్పుడూ ఊహించి ఉండరు.
కొన్ని రోజులుగా బయటికి రాని జేజమ్మ.. తాజాగా శివరాత్రి సందర్భంగా కుటుంబంతో పాటు కర్ణాటకలోని ఓ శివాలయానికి వచ్చింది. అక్కడే ప్రత్యేక పూజలు నిర్వహించింది. అక్కడి వరకు బాగానే ఉంది కానీ అక్కడున్నది అనుష్క అని గుర్తు పట్టడానికి కూడా కాసేపు అయ్యేంతగా మారిపోయింది జేజమ్మ. అమ్మో ఏంటిలా అయిపోయింది అంటూ ఆమె వీరాభిమానులు షాక్ అవుతున్నారు. ఈమెను ఇలా చూశాక.. ఒకప్పటి లుక్లోకి రావడం కష్టమే అని డిసైడ్ అయిపోతున్నారు కూడా. అయితే ఈమె ఇంతలా వెయిట్ పెరగడానికి కారణం థైరాయిడ్ అనే ప్రచారం జరుగుతుంది. అందులో ఎంతవరకు నిజం ఉందనేది మాత్రం అనుష్కనే తేల్చాలి. ప్రస్తుతం నవీన్ పొలిశెట్టి హీరోగా మహేశ్ బాబు తెరకెక్కిస్తున్న సినిమాలో నటిస్తుంది అనుష్క. ఏదేమైనా స్వీటీ మళ్లీ మామూలు లుక్లోకి వచ్చేస్తే అదే చాలు అంటున్నారు ఫ్యాన్స్.
Bhola Shankar | భోళా శంకర్లో పవన్ కళ్యాణ్ సీన్.. చిరంజీవి ప్లాన్ మామూలుగా లేదుగా..!