Waltair Veerayya Movie | అగ్ర ఓటీటీ సంస్థకు వాల్తేరు వీరయ్య డిజిటల్‌ రైట్స్.. స్ట్రీమింగ్‌ డేట్‌ కూడా వచ్చేసింది?

'ఆచార్య', 'గాడ్‌ఫాదర్‌' వంటి మిశ్రమ ఫలితాల తర్వాత చిరు 'వాల్తేరు వీరయ్య'తో ప్రేక్షకుల ముందుకు వచ్చాడు. 'గ్యాంగ్‌లీడర్‌', 'ఘరానా మొగుడు' వంటి సినిమాల ఛాయలు పోస్టర్‌లు, ట్రైలర్‌లలో కనిపించడంతో ప్రేక్షకుల్లో విపరీతమైన ఆసక్తి నెలకొంది.

Waltair Veerayya Movie Ott Partner | ‘ఆచార్య’, ‘గాడ్‌ఫాదర్‌’ వంటి మిశ్రమ ఫలితాల తర్వాత చిరు ‘వాల్తేరు వీరయ్య’తో ప్రేక్షకుల ముందుకు వచ్చాడు. ‘గ్యాంగ్‌లీడర్‌’, ‘ఘరానా మొగుడు’ సినిమాల ఛాయలు పోస్టర్‌లు, ట్రైలర్‌లలో కనిపించడంతో ప్రేక్షకుల్లో విపరీతమైన ఆసక్తి నెలకొంది. పైగా మాస్‌ మహరాజా రవితేజ ఈ సినిమాలో కీలకపాత్ర పోషించడంతో అంచనాలు తారా స్థాయికి చేరాయి. బాబీ దర్శకత్వం వహించిన ఈ సినిమా శుక్రవారం రిలీజై పాజిటీవ్‌ రివ్యూలు తెచ్చుకుంది. థియేటర్‌ల వద్ద మెగా అభిమానుల సందడి హోరెత్తుతుంది. ఈ సంక్రాంతికి భారీ ఓపెనింగ్స్‌ సాధించే సినిమా ఇదే అవుతుందని టాలీవుడ్‌ వర్గాలు చెబుతున్నాయి. ఇక ఇదిలా ఉంటే ఈ సినిమా హక్కులను ఓ బిగ్‌ ఓటీటీ సంస్థ దక్కించుకుంది.

ఈ సినిమా ఓటీటీ హక్కులను నెట్‌ఫ్లిక్స్‌ సంస్థ భారీ ధరకు కొనుగోలు చేసిందని సమాచారం. తెలుగుతో పాటు హిందీ హక్కులను కూడా కొనుగోలు చేసిందట. కాగా ఈ సినిమాను 6 వారాల తర్వాత ఓటీటీలో స్ట్రీమింగ్‌ చేయాలని వీరయ్య బృందం నెట్‌ఫ్లిక్స్‌ సంస్థతో డీల్‌ కుదిరించుకుందట. ఈ లెక్కన చేసుకుంటే మార్చిలో ఈ సినిమా ఓటీటీలో సందడి చేయనుంది. అవుట్‌ అండ్‌ అవుట్‌ యాక్షన్ ఎంటర్‌టైనర్‌గా తెరకెక్కిన ఈ సినిమాలో చిరుకు జోడీగా శృతిహాసన్‌ హీరోయిన్‌గా నటించింది. దేవీ శ్రీ ప్రసాద్‌ సంగీతం అందించిన ఈ సినిమాను మైత్రీ సంస్థ నిర్మించింది.