Vishwanath and Sons | సూర్య ‘విశ్వనాథ్ అండ్ సన్స్’ జోరు.. ఒక్క రోజులోనే 3.11 లక్షల టికెట్ల అమ్మకాలు!

Vishwanath and sons | స్టార్ హీరో సూర్య నటించిన ‘విశ్వనాథ్ అండ్ సన్స్’ బాక్సాఫీస్ వద్ద తన జోరును కొనసాగిస్తోంది. విడుదలైన వెంటనే పాజిటివ్ టాక్ సొంతం చేసుకున్న ఈ ఫ్యామిలీ ఎమోషనల్ డ్రామా.. తొలి వీకెండ్‌ను ఘనంగా ముగించింది. ముఖ్యంగా ఆదివారం థియేటర్లలో ప్రేక్షకుల సందడి భారీగా కనిపించడంతో సినిమా కలెక్షన్లపై ట్రేడ్ వర్గాల్లో ఆసక్తి పెరిగింది.

Vishwanath and sons | స్టార్ హీరో సూర్య నటించిన ‘విశ్వనాథ్ అండ్ సన్స్’ బాక్సాఫీస్ వద్ద తన జోరును కొనసాగిస్తోంది. విడుదలైన వెంటనే పాజిటివ్ టాక్ సొంతం చేసుకున్న ఈ ఫ్యామిలీ ఎమోషనల్ డ్రామా.. తొలి వీకెండ్‌ను ఘనంగా ముగించింది. ముఖ్యంగా ఆదివారం థియేటర్లలో ప్రేక్షకుల సందడి భారీగా కనిపించడంతో సినిమా కలెక్షన్లపై ట్రేడ్ వర్గాల్లో ఆసక్తి పెరిగింది. ‘విశ్వనాథ్ అండ్ సన్స్’కు ఆన్‌లైన్ బుకింగ్స్‌లోనూ మంచి స్పందన లభిస్తోంది. ప్రముఖ టికెట్ బుకింగ్ ప్లాట్‌ఫామ్ బుక్‌మైషోలో ఆదివారం ఒక్కరోజే 3.11 లక్షలకు పైగా టికెట్లు అమ్ముడైనట్లు మేకర్స్ వెల్లడించారు. గడిచిన 24 గంటల్లో 311.33K టికెట్లు బుక్ కావడం సినిమాకు ఉన్న క్రేజ్‌ను తెలియజేస్తోంది.

తెలుగు రాష్ట్రాలతో పాటు ప్రధాన నగరాల్లోని మల్టీప్లెక్స్‌లు, సింగిల్ స్క్రీన్ థియేటర్లలోనూ ఆక్యుపెన్సీ బలంగా నమోదైనట్లు తెలుస్తోంది. ముఖ్యంగా ఫ్యామిలీ ఆడియన్స్ ఈ సినిమాకు క్యూ కడుతుండటం కలెక్షన్లకు కలిసొస్తోంది. తల్లీ కొడుకుల అనుబంధం, కుటుంబ భావోద్వేగాలను ప్రధానంగా తీసుకుని దర్శకుడు వెంకీ అట్లూరి ఈ చిత్రాన్ని తెరకెక్కించారు. కథలోని ఎమోషనల్ సన్నివేశాలు ప్రేక్షకులను ఆకట్టుకోవడంతో పాటు సూర్య నటనకు కూడా ప్రశంసలు లభిస్తున్నాయి. సూర్య సరసన మమితా బైజు హీరోయిన్‌గా నటించగా, రాధికా శరత్‌కుమార్, రవీనా టాండన్ తదితరులు కీలక పాత్రల్లో కనిపించారు. సినిమాలోని పాత్రలకు తగినట్లుగా నటీనటుల పెర్ఫార్మెన్స్ ఉండటంతో ఫ్యామిలీ ఆడియన్స్ నుంచి మంచి స్పందన వస్తోంది.

సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ బ్యానర్లపై సూర్యదేవర నాగవంశీ, సాయి సౌజన్య నిర్మించిన ఈ చిత్రానికి జి.వి. ప్రకాష్ కుమార్ సంగీతం అందించారు. తొలి వీకెండ్‌లో బలమైన వసూళ్లతో దూసుకెళ్లిన ‘విశ్వనాథ్ అండ్ సన్స్’కు ఇప్పుడు అసలు పరీక్ష మొదలుకానుంది. సోమవారం నుంచి వర్కింగ్ డేస్‌లోనూ ఆక్యుపెన్సీని నిలబెట్టుకుంటే సినిమా బాక్సాఫీస్ వద్ద మరింత బలమైన నంబర్లను నమోదు చేసే అవకాశం ఉంది. మొత్తంగా 3.11 లక్షల టికెట్ల ఒక్కరోజు సేల్స్‌తో సూర్య సినిమా జోరు ఏ స్థాయిలో ఉందో స్పష్టమవుతోంది.