Jason Sanjay | సీఎం విజయ్ కొడుకు హీరోగా ఎంట్రీ?.. లైకా ప్రొడక్షన్స్‌తో చర్చలు!

Vijay’s Son Jason Sanjay | తమిళనాడు ముఖ్యమంత్రి, కోలీవుడ్ స్టార్ హీరో విజయ్ వారసుడు జేసన్ సంజయ్ త్వరలోనే నటుడిగా అరంగేట్రం చేయనున్నారనే వార్తలు ప్రస్తుతం సినీ వర్గాలలో తీవ్ర చర్చనీయాంశంగా మారాయి.

Vijay’s Son Jason Sanjay | తమిళనాడు ముఖ్యమంత్రి, కోలీవుడ్ స్టార్ హీరో విజయ్ వారసుడు జేసన్ సంజయ్ త్వరలోనే నటుడిగా అరంగేట్రం చేయనున్నారనే వార్తలు ప్రస్తుతం సినీ వర్గాలలో తీవ్ర చర్చనీయాంశంగా మారాయి. ఇప్పటికే ‘సిగ్మా’ చిత్రంతో దర్శకుడిగా తన ప్రయాణాన్ని ప్రారంభించిన ఆయన, ఇప్పుడు మెగాఫోన్‌ను పక్కన పెట్టి కెమెరా ముందుకు వచ్చేందుకు సన్నాహాలు చేస్తున్నట్లు తెలుస్తోంది.

తాజా సమాచారం ప్రకారం, జేసన్‌తో ఇప్పటికే ‘సిగ్మా’ సినిమాను నిర్మించిన‌ ప్రముఖ నిర్మాణ సంస్థ లైకా ప్రొడక్షన్స్, ఆయనతో మరో సినిమా చేయడానికి తీవ్రంగా ఆసక్తి చూపుతోంది. ఈ ప్రాజెక్ట్‌లో జేసన్ సంజయ్ హీరోగా నటించే అవకాశాలున్నట్లు కోలీవుడ్ వర్గాల్లో జోరుగా ప్రచారం జరుగుతోంది. ఈ క్రమంలోనే ఆయన హీరోగా నటించబోయే కొత్త ప్రాజెక్ట్ కోసం ప్రముఖ దర్శకుడు లింగుసామితో పాటు మరికొందరు డైరెక్టర్లు కథలను వినిపించినట్లు సమాచారం. అంతేకాకుండా, జేసన్ సంజయ్ బంధువైన ప్రముఖ నటుడు సంజీవ్ కూడా ఈ చిత్రానికి దర్శకత్వం వహించే రేసులో ఉన్నారంటూ ఊహాగానాలు వినిపిస్తున్నాయి. అయితే, ఈ వార్తలపై ఇప్పటివరకు ఎలాంటి అధికారిక ప్రకటన వెలువడలేదు. త్వరలోనే ఈ ప్రాజెక్ట్‌పై పూర్తి స్పష్టత వచ్చే అవకాశం ఉందని సినీ విశ్లేషకులు భావిస్తున్నారు.