Visit:
తమిళ అగ్ర హీరో ఇళయ దళపతి విజయ్ ఆదివారం తమిళనాడు ముఖ్యమంత్రిగా ప్రమాణస్వీకారం చేసిన నేపథ్యంలో.. ఆయన చివరి సినిమా ‘జన నాయగన్’కి చెందిన అడ్డంకులన్నీ తొలగిపోయాయంటూ విజయ్ అభిమానులు ఆనందం వ్యక్తం చేస్తున్నారు. ఈ సందర్భంగా ఆ చిత్ర నిర్మాత, కేవీఎన్ ప్రొడక్షన్స్ అధినేత వెంకట్ కె.నారాయణ ‘జన నాయగన్’కి సంబంధించిన సాలిడ్ అప్డేట్ని అభిమానులకు అందించారు.
‘విజయ్సార్ తమిళనాడు జన నాయగన్ అయిన ఈ శుభవేళ.. అభిమానులంతా మా ‘జగ నాయగన్’ సినిమా గురించే ఆలోచిస్తుంటే ఆనందంగా ఉంది. అడ్డంకులన్నీ తొలగిపోయాయి. ఇక ఆగేదే లేదు. సెన్సార్ సర్టిఫికెట్ కోసం చూస్తున్నాం. ఓ రెండువారాల్లో సినిమాను విడుదల చేస్తాం’ అని తెలిపారు. కోలీవుడ్ సమాచారం ప్రకారం ఈ నెల 28న ‘జన నాయగన్’ విడుదల కానున్నట్టు తెలుస్తున్నది.
