Visit:
Vijay Devarakonda | రౌడీ హీరో విజయ్ దేవ‌ర‌కొండ‌ని వ‌రుస ఫ్లాపులు ప‌ల‌కరిస్తున్నా కూడా ఆయన క్రేజ్ త‌గ్గ‌లేదు. సినిమా ఫ్లాప్ అయిన కూడా ప్ర‌తి సినిమాలో తన న‌ట‌న‌తో మెప్పిస్తూనే ఉన్నాడు. ‘డియర్ కామ్రేడ్’, ‘వరల్డ్ ఫేమస్ లవర్’, ‘లైగర్’, ‘ఖుషీ’, ‘ఫ్యామిలీ స్టార్’ వంటి సినిమాలు నిరాశపరిచిన తర్వాత, కింగ్డమ్ సినిమాతో ప్రేక్ష‌కుల ముందుకు వ‌స్తున్న విజయ్ దేవరకొండ తిరిగి ఫామ్‌లోకి వస్తాడని భావిస్తున్నారు.ఈ సినిమాతో రౌడీ స్టార్ విజయ్ దేవరకొండ మరోసారి తన సత్తా నిరూపించేందుకు సిద్ధమవుతున్నాడు. సితార ఎంటర్‌టైన్‌మెంట్స్ బ్యానర్‌పై సూర్యదేవర నాగవంశీ నిర్మాణంలో తెరకెక్కిన ‘కింగ్డమ్’ మూవీ ఈ నెల జులై 31న ప్రపంచవ్యాప్తంగా విడుదల కానుంది.
‘జెర్సీ’ ఫేమ్ గౌతమ్ తిన్ననూరి దర్శకత్వం వహించిన ఈ సినిమాలో విజయ్ సరసన భాగ్యశ్రీ బోర్సే హీరోయిన్‌గా నటించింది. బాక్సాఫీస్‌ వద్ద చాలా కాలంగా విజయ్ సరైన హిట్ లేక పోవడంతో, ఫ్యాన్స్‌కి ‘కింగ్డమ్’పై భారీ ఆశలు ఉన్నాయి. ఇప్పటికే సినిమా ప్రమోషన్స్ జోరుగా సాగుతుండగా, విజయ్ దేవరకొండ అనారోగ్యంతో ఆసుపత్రిలో చేరిన‌ట్టు వార్తలు వ‌స్తున్నాయి. తాజా సమాచారం మేరకు, ఆయన తీవ్ర నీరసం కారణంగా హాస్పిటల్‌కి వెళ్ల‌గా వైద్యులు డెంగ్యూ అని నిర్ధారించారని తెలుస్తోంది. కనీసం మూడు రోజులపాటు వైద్య పర్యవేక్షణలో ఉండాలని సూచించిన‌ట్టు తెలుస్తుంది. ఈ వార్తలపై విజయ్ టీమ్ గానీ, కుటుంబ సభ్యులు గానీ ఇప్పటివరకు అధికారికంగా స్పందించలేదు. దీంతో అభిమానులు ఆయన ఆరోగ్యంపై తీవ్రంగా ఆందోళన చెందుతున్నారు.
మరోవైపు విజయ్ దేవ‌ర‌కొండ‌కి సంబంధించిన వీడియో ఒక‌టి నెట్టింట వైర‌ల్‌గా మారింది. ఇది క‌దా మా హీరో డెడికేష‌న్ అంటూ ఫ్యాన్స్ కామెంట్ల వ‌ర్షం కురిపిస్తున్నారు. వీడియోలో విజయ్ దేవరకొండ ఓ సందులో రెండు కాళ్ల‌ని బ్యాలెన్స్ చేసుకుంటూ గోడ‌పైకి అవలీల‌గా ఎక్కేస్తాడు. విజయ్ దేవరకొండ డెడికేష‌న్‌కి ఫిదా అయిన ఫ్యాన్స్ హ్యాట్సాఫ్ అంటూ కామెంట్స్ చేస్తున్నారు. ప్ర‌స్తుతం విజయ్ దేవరకొండ వీడియో నెట్టింట చ‌క్క‌ర్లు కొడుతుంది.
👏👏🎬☄️#Kingdom – #VijayDeverakonda
— ✿ тωιттєя вιя∂ ✿ (@Mighty_Review) July 17, 2025
