MAA Elections : మా ఎన్నికలపై వెంకటేశ్‌ మనసులో మాట ఇదే

తాజాగా వెంక‌టేశ్‌ నటించిన నారప్ప సినిమా జూలై 20న అమెజాన్ ప్రైమ్ వీడియోలో నేరుగా విడుదల కానుంది. ఈ సందర్భంగా ఒక ప్రెస్ మీట్ లో మా ఎన్నికలపై తన మనసులో మాట బయట పెట్టాడు.

July 17, 2021 / 10:05 PM IST

MAA Elections : మా ఎన్నికలపై వెంకటేశ్‌ మనసులో మాట ఇదే

MAA Elections :సినిమా ఇండస్ట్రీలో వివాదం లేకుండా ఉన్న హీరో ఎవరైనా ఉన్నారంటే అది వెంకటేశ్‌ మాత్రమే. తన పని తాను చూసుకోవడం తప్ప.. ఇతరుల పనులలో జోక్యం చేసుకోవడం అసలు తెలియని హీరో ఈయన. ఇక రాజకీయాలు అంటే కిలోమీటర్ దూరం ఉంటాడు వెంకటేశ్‌. అది సినిమా రాజకీయాలు అయినా కూడా అస్సలు పట్టించుకోడు. తన పని తాను చూసుకుంటాడు. ఇండస్ట్రీలో మా ఎలక్షన్స్ పై ఇంత జరుగుతున్నా కూడా ఒక్క రోజు కూడా ఆయన స్పందించలేదు. అయితే ఇప్పుడు ఈ ఎన్నికలపై తన మనసులో మాట బయట పెట్టాడు.

తాజాగా వెంక‌టేశ్‌ నటించిన నారప్ప సినిమా జూలై 20న అమెజాన్ ప్రైమ్ వీడియోలో నేరుగా విడుదల కానుంది. ఈ సందర్భంగా ఒక ప్రెస్ మీట్ ఏర్పాటు చేశాడు వెంకటేశ్‌. ఇందులో అభిమానులకు క్షమాపణ చెప్పాడు. ఈయన తన సినిమా థియేటర్‌లో చూడాలని ఎంతో ఆశ పడిన ప్రేక్షకులకు నిరాశ మిగిల్చినందుకు మన్నించమని కోరాడు. ఇది ఖచ్చితంగా తన కెరీర్‌లో డిఫరెంట్ సినిమా అవుతుందని నమ్మకంగా చెప్పాడు వెంకటేశ్‌. ఇదిలా ఉంటే తాజాగా ఇదే ప్రెస్ మీట్ లో మా ఎలక్షన్స్ పై స్పందించాడు వెంకీ. ఏదీ మన చేతుల్లో ఉండదని.. మూవీ ఆర్టిస్ట్ అసోసియేషన్ ఎన్నికల్లో ఏదైనా జరగవచ్చని వెంకటేష్ తెలిపాడు. వీళ్లే గెలవాలి అని తనకు లేదని.. మంచి చేసే వాళ్లు ఎవరు గెలిచినా కూడా బాగానే ఉంటుంది అని చెప్పాడు వెంకటేశ్‌. అందరికీ మంచే జరగాలని తాను కూడా కోరుకుంటున్నానని వెంకటేశ్‌ చెప్పాడు. ఎన్నికల నేపథ్యంలో మాటల తూటాలు, విమర్శలు శాశ్వతం కాదని వెంకటేశ్‌ తెలిపారు. అలా ఒకరిపై ఒకరు విమర్శలు చేసుకోవడం వల్ల ఒరిగేది ఏమీ లేదు అంటున్నాడు. ఈయన ఎవరికీ సపోర్ట్ కూడా చేయడం లేదు. ప్రస్తుతం దృశ్యం 2, ఎఫ్ 3 సినిమాలతో బిజీగా ఉన్నాడు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి