Varasudu Movie First Single | ఎప్పుడెప్పుడా అని విజయ్ థలపతి అభిమానులు ఎదురు చూస్తున్న ‘వారిసు’ ఫస్ట్ సింగిల్ వచ్చేసింది. ‘రంజితమే’ అంటూ సాగే మాస్బీట్ సాంగ్ను చిత్రబృందం తాజాగా రిలీజ్ చేసింది. విజయ్ ప్రస్తుతం వంశీ పైడిపల్లి దర్శకత్వంలో ‘వారసుడు’ సినిమా చేస్తున్న విషయం తెలిసిందే. తమిళంలో ‘వారిసు’ పేరుతో తెరకెక్కుతుంది. ఇప్పటికే రిలీజైన పోస్టర్లు సినిమాపై విపరీతమైన అంచనాలు క్రియేట్ చేశాయి. ఈ చిత్రాన్ని వచ్చే ఏడాది సంక్రాంతి కానుకగా ప్రేక్షకుల ముందుకు తీసుకురావాలని చిత్రబృందం సన్నాహాలు చేస్తుంది. ఇక రిలీజ్ డేట్ దగ్గర పడుతుండటంతో చిత్రబృందం వరుసగా అప్డేట్లను ఇస్తుంది.
ఈ క్రమంలోనే ‘రంజితమే’ అంటూ సాగే మాస్ బీట్ సాంగ్ను మేకర్స్ రిలీజ్ చేశారు. ఈ సాంగ్లో విజయ్ మాస్స్టెప్స్ ప్రేక్షకులను విపరీతంగా ఆకట్టుకుంటున్నాయి. వివేక్ లిరిక్స్ అందించిన ఈ పాటను సింగర్ మానసితో కలిసి విజయ్ థలపతి ఆలపించాడు. థమన్ మరోసారి తన స్టైల్ ట్యూన్తో శ్రోతలను ఆకట్టుకున్నాడు. యాక్షన్ ఫ్యామిలీ ఎంటర్టైనర్గా తెరకెక్కుతున్న ఈ చిత్రాన్ని శ్రీ వెంకటేశ్వరా క్రియేషన్స్, పీవీపీ బ్యానర్లపై రాజు, శిరీష్, పరమ్ వి పొట్లూరి, పెరల్ వి పొట్లూరి నిర్మిస్తున్నారు. విజయ్కు జోడీగా రష్మిక హీరోయిన్గా నటిస్తుంది.
Read Also:
PS-2 | ‘పొన్నియన్ సెల్వన్’ పార్ట్-2 రిలీజ్ డేట్ వచ్చేసింది.. ఎప్పుడంటే?
Kantara Movie | ఓటీటీలోకి వచ్చేస్తున్న ‘కాంతార’.. స్ట్రీమింగ్ ఎప్పుడంటే?
Prabhas | మరో బాలీవుడ్ దర్శకుడికి ప్రభాస్ గ్రీన్ సిగ్నల్..!
మరోసారి ఆ బ్లాక్ బస్టర్ కాంబో రిపీట్ కానుందా?