Upendra | తెలుగు ప్రేక్షకులకు పెద్దగా ఇంట్రడక్షన్ అవసరం లేని కన్నడ స్టార్ హీరోల్లో ఒకరు ఉపేంద్ర (upendra). ఈ టాలెంటెడ్ యాక్టర్ కమ్ డైరెక్టర్కు తెలుగులో ఫ్యాన్ ఫాలోయింగ్ ఎక్కువే అని ప్రత్యేకించి చెప్పనవసరం లేదు. తాజా ఉపేంద్ర స్వీయదర్శకత్వంలో హీరోగా నటిస్తున్న తాజా చిత్రం UI. ఈ చిత్రాన్ని ఉపేంద్ర భారీ స్థాయిలో విడుదల చేసేందుకు ప్లాన్ చేస్తున్నాడట.
తాజా టాక్ ప్రకారం ఐదు ప్రధాన భారతీయ భాషలతోపాటు నాలుగు అంతర్జాతీయ భాషలు ఫ్రెంచ్, స్పానిష్, జర్మన్, ఇటాలియన్ సినిమాను రిలీజ్ చేసేందుకు రెడీ అవుతున్నట్టు ఓ వార్త నెట్టింట హల్ చల్ చేస్తోంది. సరికొత్త ప్రమోషనల్ ప్లాన్తో సినిమాపై సూపర్ బజ్ క్రియేట్ అవడం పక్కా అయినట్టే. అయితే దీనిపై ఉపేంద్ర ఏదైనా స్పష్టత ఇస్తాడేమో చూడాలంటున్నారు సినీ జనాలు.
ఉపేంద్ర గతంలో ఓ చిట్ చాట్లో ‘UI’ సినిమా గురించి మాట్లాడుతూ ‘చాలా కాలం తర్వాత నేను దర్శకత్వం వహిస్తున్న సినిమా ఇది. ఈ సినిమాలో నా టేస్ట్ స్క్రీన్ప్లే, డైరెక్షన్ చూస్తారు. ఈ సినిమా గనుక మీకు అర్ధమైతే మీరు సూపర్స్టార్ అవుతారు’ అంటూ కామెంట్స్ చేసి సినిమాపై సూపర్ హైప్ చేశాడు ఉపేంద్ర. లహరి ఫిలిమ్స్, వీనస్ ఎంటర్టైనర్స్ బ్యానర్లపై సంయుక్తంగా తెరకెక్కుతున్న ఈ చిత్రానికి కాంతార ఫేం అజనీశ్ లోక్నాథ్ మ్యూజిక్, బ్యాక్గ్రౌండ్ స్కోర్ అందిస్తుండటంతో అంచనాలు భారీగానే ఉన్నాయి.
UI గ్లింప్స్