టాలీవుడ్‌లో విషాదం.. సీనియర్ నటుడు కన్నుమూత

సీనియర్‌ నటుడు డీఎంకే మురళి (DMK Murali) ఓ ఆస్పత్రిలో చికిత్స పొందుతూ ఇవాళ తుదిశ్వాస విడిచారు. డీఎంకే మురళి మృతిపట్ల సినీ ప్రముఖులు సంతాపం తెలియజేస్తున్నారు. డీఎంకే మురళి కృష్ణా జిల్లాలోని మచిలీపట్నంలో జన్మించారు.

టాలీవుడ్‌లో విషాదం చోటుచేసుకుంది. గత కొంతకాలంగా అనారోగ్యంతో బాధపడుతున్న సీనియర్‌ నటుడు డీఎంకే మురళి (DMK Murali) ఓ ప్రైవేట్‌ ఆస్పత్రిలో చికిత్స పొందుతూ ఇవాళ తుదిశ్వాస విడిచారు. డీఎంకే మురళి మృతిపట్ల సినీ ప్రముఖులు సంతాపం తెలియజేస్తున్నారు. డీఎంకే మురళి కృష్ణా జిల్లాలోని మచిలీపట్నంలో జన్మించారు.

నటనపై ఉన్న ఆసక్తితో రంగస్థలంలోకి అడుగుపెట్టిన మురళి పలు పౌరాణిక, సాంఘిక నాటకాల్లో నటించారు. దుర్యోధనుడి మయసభ ఏకపాత్రాభినయంతో డీఎంకే మురళి మంచి గుర్తింపు తెచ్చుకున్నారు. ఆయన ఓ వైపు జర్నలిస్ట్‌గా పనిచేస్తూనే.. సినిమాల్లో ఛాన్స్ కోసం ప్రయత్నించారు.

సినిమాల కోసం తిరిగే క్రమంలో ఆయనకు అందాల రాక్షసి సినిమాలో అవకాశం వచ్చింది. మారుతి డైరెక్ట్ చేసిన బస్‌స్టాప్‌, నాగచైతన్య-సునీల్ కాంబినేషన్‌లో వచ్చిన తడాఖా, కొత్త జంట, కాయ్‌ రాజా కాయ్‌ చిత్రాల్లో నటించి మంచి గుర్తింపు తెచ్చుకున్నారు.

Read Also : Prema Desam trailer | మేఘా ఆకాశ్‌, త్రిగున్‌ ప్రేమదేశం ట్రైలర్‌

Read Also :Krishna | 24 గంటలు గడిస్తే కానీ ఏం చెప్పలేం..విషమంగా కృష్ణ ఆరోగ్యం : డాక్టర్లు

Read Also : Krishna | కృష్ణ ఆరోగ్యం నిలకడగా ఉంది : నరేశ్‌