విశ్వ కార్తికేయ హీరోగా నటిస్తున్న సినిమా ‘అల్లంత దూరాన’. హ్రితిక శ్రీనివాస్ నాయికగా నటిస్తున్నది. చలపతి పువ్వుల దర్శకత్వం వహిస్తున్నారు. ఆర్ఆర్ క్రియేటివ్ కమర్షియల్ పతాకంపై శ్రీమతి కోమలి సమర్పణలో ఎన్ చంద్రమోహన్ రెడ్డి ఈ చిత్రాన్ని నిర్మిస్తున్నారు. తెలుగు, తమిళ ద్విభాష చిత్రంగా రూపొందిన ఈ సినిమా ఈ నెల 10న విడుదలకు సిద్ధమవుతున్నది. తాజాగా చిత్ర ప్రీ రిలీజ్ కార్యక్రమాన్ని నిర్వహించారు.
నటుడు అలీ ముఖ్య అతిథిగా హాజరై ట్రైలర్ను విడుదల చేశారు. అనంతరం నిర్మాత చంద్రమోహన్ రెడ్డి మాట్లాడుతూ..‘ఒక మంచి ప్రేమ కథా చిత్రాన్ని ప్రేక్షకులకు అందించాలనే తపనతో ఈ సినిమాను నిర్మించాం. ప్రతి ప్రేక్షకుడికి నచ్చేలా సినిమా ఉంటుంది. ఆద్యంతం మీ మనసుకు హత్తుకుంటుంది’ అన్నారు. ఈ చిత్రానికి సినిమాటోగ్రఫీ : కళ్యాణ్ బోర్లగడ్డ, ఎడిటర్ : శివ కిరణ్