Visit:
SAHAA Trailer | టాలీవుడ్లో మరో విభిన్నమైన ప్రేమకథా చిత్రం ప్రేక్షకుల ముందుకు వచ్చేందుకు ముస్తాబైంది. యువ నటులు శివ కుమార్ కాసారం, శ్వేతా లక్ష్మణ్ జంటగా నటిస్తున్న తాజా చిత్రం ‘సహ (లైఫ్ ఆఫ్ సంజు)’ (SAHAA Life of Sanju). నిశాంత్ దోటి దర్శకత్వం వహించిన ఈ సినిమాను తేజేశ్వర్ వేల్పుచర్ల నిర్మించారు. ఇందులో వ్రజన పాండ్య, మహిపాల్, సునీల్ వంటి వారు ముఖ్య పాత్రల్లో నటించారు. అన్ని కార్యక్రమాలు పూర్తి చేసుకున్న ఈ చిత్రం సెప్టెంబరు 4న వైభవంగా థియేటర్లలో విడుదల కానుంది. ఈ సందర్భంగా ట్రైలర్ను విడుదల చేసింది చిత్రయూనిట్.
సంజు అనే ఒక యువకుడి జీవిత ప్రయాణమే ఈ చిత్రానికి ప్రధాన ఆధారం. తన జీవితంలో ఎదురైన తొలిప్రేమ, బ్రేకప్ ఇచ్చే బాధ, మధుర జ్ఞాపకాలు, దైనందిన జీవితంలో ఎదురయ్యే సవాళ్లను ఇందులో ఎంతో సహజంగా చూపించారు. ఇది కేవలం ఒక సినిమాగా కాకుండా ప్రతి ఒక్కరి మనసుకు హత్తుకునే భావోద్వేగాల ప్రయాణంగా ఉంటుందని చిత్ర బృందం చెబుతోంది. ప్రముఖ నిర్మాతలు బన్నీ వాసు, వంశీ నందిపాటి ఈ సినిమాను సంయుక్తంగా విడుదల చేస్తుండటంతో ప్రేక్షకుల్లో మంచి అంచనాలు నెలకొన్నాయి.
