సింగిల్‌ సిట్టింగ్‌లో ఓకే చేశా!

కథానాయిక సంయుక్త మీనన్‌ తొలిసారి మహిళా ప్రధాన కథాంశంలో నటిస్తున్నది. ఆమె ప్రధాన పాత్రలో హాస్య మూవీస్‌ ప్రొడక్షన్స్‌ సంస్థ నిర్మిస్తున్న ఈ చిత్రం బుధవారం హైదరాబాద్‌లో ప్రారంభమైంది. యోగేష్‌ కేఎంసీ దర్శకత్వం వహిస్తున్న ఈ చిత్రాన్ని రాజేష్‌ దండా నిర్మిస్తున్నారు. సంయుక్తమీనన్‌పై చిత్రీకరించిన ముహూర్తపు సన్నివేశానికి రానా దగ్గుబాటి క్లాప్‌నివ్వగా అగ్ర నిర్మాత దిల్‌రాజు కెమెరా స్విఛాన్‌ చేశారు.

కథానాయిక సంయుక్త మీనన్‌ తొలిసారి మహిళా ప్రధాన కథాంశంలో నటిస్తున్నది. ఆమె ప్రధాన పాత్రలో హాస్య మూవీస్‌ ప్రొడక్షన్స్‌ సంస్థ నిర్మిస్తున్న ఈ చిత్రం బుధవారం హైదరాబాద్‌లో ప్రారంభమైంది. యోగేష్‌ కేఎంసీ దర్శకత్వం వహిస్తున్న ఈ చిత్రాన్ని రాజేష్‌ దండా నిర్మిస్తున్నారు. సంయుక్తమీనన్‌పై చిత్రీకరించిన ముహూర్తపు సన్నివేశానికి రానా దగ్గుబాటి క్లాప్‌నివ్వగా అగ్ర నిర్మాత దిల్‌రాజు కెమెరా స్విఛాన్‌ చేశారు. దర్శకుడు మాట్లాడుతూ ‘సింగిల్‌ సిట్టింగ్‌లో సంయుక్తమీనన్‌ ఈ కథ ఓకే చేసింది. అంతలా ఆమెకు ఈ స్టోరీ నచ్చింది’ అన్నారు. ‘ఇలాంటి స్క్రిప్ట్‌ దొరకడం నా అదృష్టం. ఈ సినిమాకు ఫీమేల్‌ సెంట్రిక్‌ మూవీ అనే ముద్ర వేయలేం. బలమైన మహిళా ప్రధాన పాత్రతో ఆకట్టుకునే కథ. సామాజిక, రాజకీయ అంశాల ప్రస్తావన కూడా ఉంటుంది. కండబలం అవసరం లేకుండానే స్త్రీ తనదైన రీతిలో దుష్టశిక్షణ చేసే మార్గం ఉంది. ఈ కథ అదే విషయాన్ని చర్చిస్తుంది’ అని సంయుక్తమీనన్‌ చెప్పింది. తమ సంస్థ నిర్మిస్తున్న ఆరో చిత్రమిదని, యాక్షన్‌ థ్రిల్లర్‌గా ఆకట్టుకుంటుందని నిర్మాత రాజేష్‌ దండా తెలిపారు. ఈ చిత్రానికి నిర్మాణం: హాస్య మూవీస్‌, మాగంటి పిక్చర్స్‌, ఎడిటర్‌: ఛోటా కె ప్రసాద్‌, ఆర్ట్‌: బ్రహ్మ కడలి, సమర్పణ: సంయుక్త మీనన్‌, రచన-దర్శకత్వం: యోగేష్‌ కేఎంసీ.