Telugu Film workers | సినీ కార్మికులకు గుడ్‌న్యూస్‌..వేత‌న పెంపు వివ‌రాలివే..!

సినీ కార్మికుల వేత‌నాలు పెంచుతున్న‌ట్టు తెలుగు ఫిల్మ్ చాంబ‌ర్, తెలుగు ఫిల్మ్ ఫెడ‌రేష‌న్ (Telugu Film Federation) , ప్రొడ్యూస‌ర్స్ కౌన్సిల్ సంయుక్తంగా ప్ర‌క‌టించాయి.

September 15, 2022 / 09:30 PM IST

Telugu Film workers | సినీ కార్మికులకు గుడ్‌న్యూస్‌..వేత‌న పెంపు వివ‌రాలివే..!

తెలుగు సినీప‌రిశ్ర‌మ (Telugu cinema) సినీ కార్మికులు (film workers)ల‌కు అధికారికంగా గుడ్‌న్యూస్ అందించింది. సినీ కార్మికుల వేత‌నాలు పెంచుతున్న‌ట్టు తెలుగు ఫిల్మ్ చాంబ‌ర్, తెలుగు ఫిల్మ్ ఫెడ‌రేష‌న్ (Telugu Film Federation) , ప్రొడ్యూస‌ర్స్ కౌన్సిల్ సంయుక్తంగా ప్ర‌క‌టించాయి.

భారీ బడ్జెట్ చిత్రాలకు రోజువారీ కార్మికుల వేతనాలను 30%, చిన్న బడ్జెట్ చిత్రాలకు 15% పెంచుతున్న‌ట్టు ప్ర‌క‌టించాయి. తెలుగు చ‌ల‌న‌చిత్ర వాణిజ్య మండ‌లి-2018 అగ్రిమెంట్‌ను అనుస‌రించి..ఆ వేత‌నం మీద తాజా పెంపు వ‌ర్తింపజేయ‌నున్న‌ట్టు తెలిపాయి. ఈ ఏడాది జులై 1 నుంచి 2025 జూన్ 30 వ‌ర‌కు ఈ పెంపు అమ‌లులో ఉంటుంద‌ని పేర్కొన్నాయి. ఇక ఏది భారీ బ‌డ్జెట్ సినిమా, ఏది చిన్న బ‌డ్జెట్ సినిమా అనేది తెలుగు ఫిల్మ్‌ ఛాంబ‌ర్ -తెలుగు ఫిల్మ్ ఫెడ‌రేష‌న్ సంయుక్తంగా నిర్ణ‌యించ‌నున్నాయి.

కార్మికుల‌ వేత‌న పెంపు విధివిధానాల‌కు సంబంధించి ఇవాళ దిల్ రాజు (Dil Raju) నేతృత్వంలో తెలుగు ఫిల్మ్‌ ఛాంబ‌ర్ , తెలుగు ఫిల్మ్ ఫెడ‌రేష‌న్ స‌భ్యులు చ‌ర్చించారు. వేత‌న పెంపుపై సంయుక్తంగా ఓ ప్ర‌క‌ట‌న వెలువ‌డంతో సినీ కార్మికుల ఆనందంతో సంబురాలు చేసుకుంటున్నారు.