chandini chowdary | హాట్ ఫొటోల‌తో రెచ్చిపోయిన చాందిని చౌద‌రి.. అవ‌కాశాల కోసం త‌ప్ప‌ట్లేదా?

September 4, 2021 / 09:45 PM IST

chandini chowdary | చాందిని చౌద‌రి.. సినిమాలు చూసేవాళ్ల‌కు ఏమో గానీ షార్ట్ ఫిల్మ్స్ చూసే వాళ్ల‌కు మాత్రం ఈ పేరు బాగా ప‌రిచ‌యం. ఇంకా చెప్పాలంటే షార్ట్ ఫిల్మ్స్‌లో ఈ పేరు ఒక సంచ‌ల‌నం. వెండితెర‌పై స్టార్ హీరోయిన్లు ఎలాగో.. షార్ట్ ఫిల్మ్స్‌లో చాందిని అలా అని చెప్పుకుంటుంటారు ఫ్యాన్స్‌. ఈ ముద్దుగుమ్మ ఇప్ప‌టికే బోలెడ‌న్నీ షార్ట్ ఫిల్మ్స్‌లో న‌టించింది. తెలుగు ఇండ‌స్ట్రీలోనూ ఐదారు సినిమాల వ‌ర‌కు చేసింది. కానీ ఈ తెలుగ‌మ్మాయికి పెద్ద‌గా గుర్తింపు రాలేదు. గ‌త ఏడాది వ‌చ్చిన క‌ల‌ర్ ఫొటో సినిమా హిట్ అయిన‌ప్ప‌టికీ.. పెద్ద‌గా అవ‌కాశాలు మాత్రం ద‌క్క‌లేదు. దీంతో ఇప్పుడు అందాల ఆర‌బోత‌కు కూడా సిద్ధ‌మైంది చాందినీ చౌద‌రి.

తెలుగులో కేటుగాడు, కుంద‌న‌పు బొమ్మ‌, శ‌మంత‌క‌మ‌ణి, హౌరా బ్రిడ్జి వంటి సినిమాల్లో కూడా న‌టించింది చాందినీ చౌద‌రి. కానీ హీరోయిన్‌గా కోరుకున్న‌ ఇమేజ్‌ రాలేదు. మ‌హేశ్ బాబు బ్ర‌హ్మోత్స‌వం సినిమాలో కూడా న‌టించిన‌ప్ప‌టికీ పెద్ద‌గా గుర్తింపు తెచ్చుకోలేక‌పోయింది. గతేడాది కలర్ ఫోటో సినిమాతో మంచి విజయం అందుకుంది చాందిని. అయితే ఇది ఓటీటీలో విడుదల కావడంతో థియేట్రికల్ ఇమేజ్ మాత్రం రాలేదు.

ఇదే సినిమా థియేటర్‌లో కానీ విడుదలయ్యుంటే కచ్చితంగా చాందినికి కాస్తో కూస్తో గుర్తింపుతో పాటు అవకాశాలు కూడా వచ్చేవేమో. కానీ ఏం చేస్తాం.. ఇప్పుడు చేతిలో ఏ సినిమాలు లేక‌పోవ‌డంతో నిర్మాత‌లు, ద‌ర్శ‌కుల దృష్టిలో ప‌డేందుకు నానా తంటాలు ప‌డుతోంది చాందినీ. ఇన్‌స్టాగ్రామ్‌లో హాట్ ఫొటోలు పెడుతూ.. ఎక్స్‌పోజింగ్‌కి కూడా సిద్ధ‌మేన‌ని చెప్ప‌క‌నే చెబుతోంది. ఈ క్ర‌మంలోనే తాజాగా ఈమె చేసిన ఫొటో షూట్ ఇప్పుడు వైర‌ల్ అవుతుంది. ఈ ఫొటోలు చూసైనా చాందినీ కోరుకున్న అవ‌కాశాలు వ‌స్తాయేమో చూడాలి.