మేము ఐదుగురం కాదు.. ఎనిమిది మంది.. మెగా ఫ్యామిలీ సీక్రెట్ బ‌య‌టపెట్టిన పవన్‌ కళ్యాణ్‌

September 5, 2021 / 02:05 PM IST

*Pawan kalyan మెగా ఫ్యామిలీ సీక్రెట్ బ‌య‌టపెట్టిన ప‌వ‌ర్ స్టార్ పవన్‌ కళ్యాణ్‌*

Power star pawan kalyan | మెగా కుటుంబం ( Mega family ) గురించి కొత్తగా పరిచయాలు అవసరం లేదు. రెండు తెలుగు రాష్ట్రాలకు కూడా మెగా ఫ్యామిలీ గురించి బాగా తెలుసు. చిరంజీవి ( Mega star Chiranjeevi ) కారణంగా మెగా కుటుంబానికి సూపర్ పాపులారిటీ వచ్చింది. అందులోంచి ఇప్పుడు దాదాపు 10 మంది హీరోలు కూడా వచ్చారు. వాళ్ల‌లో చాలా మంది మంచి గుర్తింపు తెచ్చుకోవడంతో పాటు స్టార్స్ కూడా అయ్యారు. ఇదిలా ఉంటే ఈ కుటుంబం గురించి ఇంకా తెలియని విషయాలు చాలానే ఉన్నాయి. అన్నీ తెలుసు అనుకునే అభిమానులకు కూడా చాలా విషయాలు తెలియకుండా ఉండిపోయాయి. అలాంటి టాప్ సీక్రెట్ బ‌య‌ట‌కొచ్చింది.

ఈ మ‌ధ్యే ప‌వ‌ర్ స్టార్ ప‌వ‌న్ క‌ళ్యాణ్ పుట్టిన రోజు వేడుక‌లు జ‌రిగాయి. ఆయ‌న బ‌ర్త్ డే జ‌రుపుకోక‌పోయినా అభిమానులు మాత్రం ఘ‌నంగా సెల‌బ్రెట్ చేశారు. నిజానికి మొద‌ట్నుంచి ప‌వ‌న్ క‌ళ్యాణ్‌కు బ‌ర్త్ డే సెల‌బ్రెట్ చేసుకోవ‌డం ఇష్టం ఉండ‌దు. అయితే ఆయ‌న ఎందుకు బ‌ర్త్ డే జ‌రుపుకోరు అనే విష‌యంపై ఆయ‌న అప్ప‌ట్లో ఇచ్చిన ఒక ఇంట‌ర్వ్యూ ఇప్పుడు వైర‌ల్‌గా మారింది. తమ కుటుంబంలో ఎక్కువ మంది పిల్లలు ఉండటంతో ఆర్థిక స్థోమత సరిపోయేది కాద‌ని.. ఆదాయం త‌క్కువ‌గా ఉండ‌టంతో పుట్టిన రోజు గురించి ఆలోచించుకునే స‌మ‌యం ఉండేది కాద‌ని ఆ ఇంట‌ర్వ్యూలో ప‌వ‌న్ చెప్పాడు. తన వరకు చిన్నప్పటి నుంచి పుట్టిన రోజు అంటే కేవలం అమ్మ చేతి నుంచి ఇష్టమైన స్వీట్ తినడమే అంటున్నాడు పవర్ స్టార్.

మెగా ఫ్యామిలీకి సంబంధించిన ఒక ఆస‌క్తిక‌ర‌మైన విష‌యాన్ని కూడా ఆ ఇంట‌ర్వ్యూలో బ‌హిర్గ‌తం చేశాడు ప‌వ‌న్ క‌ళ్యాణ్‌. దీంతో ఆ వీడియో ఇప్పుడు వైర‌ల్‌గా మారింది. అంజ‌నీదేవి, వెంక‌ట్రావు దంప‌తుల‌కు ఐదుగురు పిల్ల‌లు అని అంద‌రికీ తెలుసు. అందులో చిరంజీవి, నాగ‌బాబు, ప‌వ‌న్ క‌ళ్యాణ్‌తో పాటు ఇద్ద‌రు ఆడ‌పిల్ల‌లు కూడా ఉన్నారు. కానీ నిజానికి ప‌వ‌న్ క‌ళ్యాణ్ తోబుట్టువులు మొత్తం ఐదుగురు కాదంట‌.. మ‌రో ముగ్గురు కూడా ఉన్నారంట‌. మ‌రి వాళ్ల గురించి ఎందుకు బ‌య‌ట‌కు రాలేదంటే.. చిన్న‌ప్పుడే వాళ్లు మ‌ర‌ణించారంట‌. త‌న త‌ల్లిదండ్రుల‌కు ఎనిమిది మంది పిల్ల‌లు పుడితే వారిలో ఐదుగురు మాత్ర‌మే మిగిలార‌ని ఆ ఇంట‌ర్వ్యూలో ప‌వ‌న్ క‌ళ్యాణ్ చెప్పాడు. ఈ విష‌యం తెలిసిన మెగా అభిమానులు షాక‌వుతున్నారు. ఏదేమైనా కూడా ముగ్గురు పిల్లలు చనిపోయిన విషయాన్ని ఇప్పటి వరకు చిరు ఎక్కడా చెప్పకపోయినా కూడా పవన్ కళ్యాణ్ మాత్రం బయటపెట్టాడు.