Suriya 44 | ఇంకా అండమాన్‌లోనే సూర్య 44 టీం.. షూటింగ్‌ వివరాలివే

Suriya 44 | కోలీవుడ్ స్టార్ హీరో సూర్య (Suriya) వరుస సినిమాలకు గ్రీన్ సిగ్నల్ ఇచ్చాడని తెలిసిందే. వీటిలో ఒకటి సూర్య 44 (Suriya 44).అండమాన్‌లోని పోర్ట్ బ్లెయిర్‌లో యాక్షన్‌కు ప్రిపరేషన్ అంటూ షూటింగ్‌ లొకేషన్‌ వీడియోను షేర్‌ చేయగా.. నెట్టింట హల్ చల్ చేస్తోంది.

Suriya 44 | కోలీవుడ్ స్టార్ హీరో సూర్య (Suriya) వరుస సినిమాలకు గ్రీన్ సిగ్నల్ ఇచ్చాడని తెలిసిందే. వీటిలో ఒకటి కోలీవుడ్ స్టార్ డైరెక్టర్ కార్తీక్ సుబ్బరాజు (Karthik Subbaraju) దర్శకత్వంలో నటిస్తోన్న సూర్య 44 (Suriya 44). ఈ సినిమా షూటింగ్‌ అండమాన్ ఐలాండ్‌లో షురూ అయినట్టు తెలియజేస్తూ.. అండమాన్‌లోని పోర్ట్ బ్లెయిర్‌లో యాక్షన్‌కు ప్రిపరేషన్ అంటూ షూటింగ్‌ లొకేషన్‌ వీడియోను షేర్‌ చేయగా.. నెట్టింట హల్ చల్ చేస్తోంది.

తాజాగా చిత్రీకరణకు సంబంధించిన వార్త ఒకటి బయటకు వచ్చింది. ఈ అందమైన ప్రదేశంలో సూర్య, పూజాహెగ్డేపై వచ్చే రెండు పాటలను చిత్రీకరించినట్టు సమాచారం. ప్రస్తుత షెడ్యూల్‌ జులై మొదటి వారానికి పూర్తవుతుందని ఇన్‌సైడ్‌ టాక్‌. అనంతరం సూర్య అండ్ టీం నెక్ట్స్‌ షెడ్యూల్‌లో భాగంగా ఊటీకి వెళ్లనుందట.

ఈ చిత్రంలో బాలీవుడ్ భామ పూజాహెగ్డే హీరోయిన్‌గా నటిస్తోండగా.. పాపులర్ మలయాళ నటుడు జోజు జార్జ్‌ కీలక పాత్ర పోషిస్తున్నాడు. ఈ మూవీకి సంతోష్ నారాయణన్‌ మ్యూజిక్‌, బ్యాక్ గ్రౌండ్ అందిస్తున్నాడు. తిరు, 24, పేటా ఫేం సినిమాటోగ్రఫర్‌ ఈ చిత్రానికి డీవోపీగా పనిచేస్తుండటంతో ప్రేక్షకుల్లో క్యూరియాసిటీ పెరిగిపోతుంది. సూర్య 44 పీరియాడిక్‌ వార్‌ అండ్ లవ్‌ నేపథ్యంలో సాగనుందని ఇప్పటివరకున్న టాక్‌. సూర్య హోంబ్యానర్ 2డీ ఎంట‌ర్‌టైన్‌మెంట్స్ నిర్మించ‌నున్న ఈ చిత్రాన్ని 2025 పొంగళ్‌ కానుకగా విడుదల చేసేందుకు ప్లాన్ చేస్తున్నారు మేకర్స్‌.

 

#Suriya44 Update 🎬: Two song sequences are completed, and the shoot is wrapped up in Andaman. The first schedule will finish by early July, and the second schedule is planned for Ooty.#Suriya #KarthikSubburaj #PoojaHegde #SaNa #Kanguva pic.twitter.com/e4h7CSvlcj

— Kollywood Now (@kollywoodnow) June 27, 2024